Stock Market શેરબજારમાં જોરદાર તેજી: સેન્સેક્સ 1750 પોઈન્ટ ઉછળ્યો, ટોચના શેરોમાં ટાટા મોટર્સ અને L&T આગળ રહ્યા
Stock Market મંગળવારનું સત્ર ભારતીય શેરબજાર માટે ઐતિહાસિક રહ્યો. વૈશ્વિક સંકેતોમાંથી મળેલા બૂસ્ટર ડોઝ અને અમેરિકન બજારના ટેક શેરોમાં તેજીના લીધે આજે ભારતીય શેરબજારમાં તીવ્ર ઉછાળો જોવા મળ્યો. સેન્સેક્સ લગભગ 1750 પોઈન્ટ ઉછળી 76,700 થી ઉપર પહોંચી ગયો, જ્યારે નિફ્ટીએ પણ 470 પોઈન્ટનો જંપલાવ્યો.
ટ્રમ્પના ટેરિફ રાહતના નિર્ણયનો મોટા પાયે ફાયદો
શેરબજારમાં આ ઉછાળાનો મુખ્ય કારણ યુએસ પ્રમુખ ડોનાલ્ડ ટ્રમ્પ દ્વારા ટેરિફમાં રાહત આપવાનો નિર્ણય છે. અમેરિકાએ ચીનથી આયાત થતા સ્માર્ટફોન, કમ્પ્યુટર અને અન્ય ઇલેક્ટ્રોનિક ઉત્પાદનો પર ટેરિફમાંથી મુક્તિ આપી છે. આ પગલાથી ટેક સેક્ટરમાં વૈશ્વિક લેવલે સકારાત્મક ભાવના ફેલાઈ છે. જાપાનના નિક્કી, દક્ષિણ કોરિયાના કોસ્પી અને યુરોપિયન બજારોમાં પણ મજબૂત તેજી જોવા મળી.
બેંકિંગ અને ઓટો શેરોએ બજારને ધપાવ્યું
ભારતીય બજારના કારોબારમાં ખાસ કરીને બેંકિંગ અને ઓટો શેરોમાં ભારોભાર લેવાલી જોવા મળી. બેંક નિફ્ટી 1100 પોઈન્ટથી વધુ ઉછળ્યો. ટાટા મોટર્સ, એચડીએફસી બેંક, એલએન્ડટી, એમએન્ડએમ અને ભારતી એરટેલ જેવા ટોચના શેરોએ નિફ્ટીને ટકાવાનું કામ કર્યું.
સેન્સેક્સ અને નિફ્ટીનો આંકડો
સવારે 9:27 વાગ્યે, સેન્સેક્સ 1576.45 પોઈન્ટ અથવા 2.10% વધીને 76,733.71 પર ટ્રેડ થઈ રહ્યો હતો. નિફ્ટી 470 પોઈન્ટ વધીને 23,298.75 સુધી પહોંચી ગયો હતો. માત્ર 10 મિનિટના અંદર માર્કેટ કેપમાં 6 લાખ કરોડ રૂપિયાનો વધારો નોંધાયો.
એશિયન બજાર પણ ઉછળ્યા
જાપાનનો નિક્કી 225 પોઈન્ટ અથવા 1.15% ઉછળ્યો અને ઓટો સેક્ટરના શેરોમાં ભારે ઉછાળો જોવા મળ્યો. સુઝુકી, મઝદા, હોન્ડા અને ટોયોટા જેવા ઓટોમેકર્સના શેર 4%થી વધુ વધ્યા. દક્ષિણ કોરિયાના માર્કેટમાં પણ કિયા અને હ્યુન્ડાઇના શેરોમાં 2.5%થી વધુનો વધારો નોંધાયો.
આજનું બજાર ઇન્વેસ્ટર્સ માટે આશાસ્પદ રહ્યું. વૈશ્વિક સ્તરે વેપાર નીતિમાં નરમાઈ અને આંતરિક બજારમાં મજબૂત શેરોએ ભારતીય માર્કેટને નવા ઊંચાઈ તરફ દોરી ગયું. જો આવું જ વાતાવરણ રહ્યો, તો આગામી દિવસોમાં પણ બજાર bullish ઝોનમાં રહી શકે છે.
