આજે હનુમાનજીનો જન્મ દિવસ છે. ચૈત્ર માસના શુક્લ પક્ષની પૂર્ણિમાના શુભ અવસરે હનુમાન જન્મોત્સવની ઉજવણી કરવામાં આવી રહી છે. હનુમાન જન્મજયંતિના દિવસે વડાપ્રધાન નરેન્દ્ર મોદી શનિવારે સવારે 11 વાગ્યે વીડિયો કોન્ફરન્સિંગ દ્વારા ગુજરાતના મોરબીમાં ભગવાન હનુમાનની 108 ફૂટની પ્રતિમાનું અનાવરણ કરશે. તમને જણાવી દઈએ કે આજે દેશભરના હનુમાન મંદિરોમાં સવારથી જ ભારે ભીડ જોવા મળી રહી છે. આજે શહેરોમાં શોભાયાત્રા પણ કાઢવામાં આવશે, જેના માટે ચુસ્ત સુરક્ષા વ્યવસ્થા ગોઠવવામાં આવી છે.
હનુમાનજી ચાર ધામ પ્રોજેક્ટ
વડાપ્રધાન કાર્યાલયના જણાવ્યા અનુસાર, હનુમાનજી ચાર ધામ પ્રોજેક્ટ હેઠળ દેશભરમાં ચાર દિશામાં સ્થાપિત કરવામાં આવી રહેલી ચાર મૂર્તિઓમાંથી આ બીજી છે. PMOએ કહ્યું કે આ મૂર્તિ દેશના પશ્ચિમ ભાગમાં આવેલા મોરબીમાં પરમ પૂજ્ય બાપુ કેશવાનંદજીના આશ્રમમાં સ્થાપિત કરવામાં આવી છે. પીએમ કાર્યાલયે વધુમાં કહ્યું કે, ‘હનુમાનજી ચાર ધામ પ્રોજેક્ટ શ્રેણીની પ્રથમ પ્રતિમા ઉત્તરમાં હિમાચલ પ્રદેશના શિમલામાં 2010માં સ્થાપિત કરવામાં આવી હતી, જ્યારે દક્ષિણમાં રામેશ્વરમમાં ત્રીજી પ્રતિમા પર કામ શરૂ થઈ ગયું છે.
આજનો શનિવાર ખૂબ જ ખાસ છે જણાવી દઈએ શનિવાર હોવાથી આ હનુમાન જન્મજયંતિનું મહત્વ ઘણું વધી ગયું છે. તમને જણાવી દઈએ કે હિન્દુ કેલેન્ડર મુજબ હનુમાન જન્મોત્સવ વર્ષમાં બે વાર આવે છે. આ એટલા માટે છે કારણ કે ભગવાન હનુમાનના જન્મને લઈને થોડો મતભેદ છે. રામાયણ અનુસાર, એવું માનવામાં આવે છે કે પવનના પુત્રનો જન્મ કારતક મહિનાના કૃષ્ણ પક્ષની ચતુર્દશી તિથિએ થયો હતો. બીજી તરફ, એવું માનવામાં આવે છે કે ચૈત્ર મહિનાના શુક્લ પક્ષની પૂર્ણિમાના દિવસે હનુમાનજીનો જન્મ થયો હતો.
