PM Modi JD Vance meeting PM મોદી સાથેની મુલાકાત બાદ ઉપરાષ્ટ્રપતિ વાન્સે મોટો સંકેત આપ્યો: ભારત-US વચ્ચે વેપાર અને લશ્કરી ભાગીદારીમાં નવો મોટો વળાંક
PM Modi JD Vance meeting વડાપ્રધાન નરેન્દ્ર મોદી અને યુએસ ઉપરાષ્ટ્રપતિ જેડી વાન્સ વચ્ચે 21 એપ્રિલે થયેલી બેઠકમાં ભારત-અમેરિકા વચ્ચેના વ્યાપારી અને રક્ષણાત્મક સંબંધોમાં નવા અધ્યાયની શરૂઆત થઈ છે. બંને નેતાઓ વચ્ચે દ્વિપક્ષીય વેપાર કરાર (BTA) માટે એક રોડમેપ જાહેર કરવામાં આવ્યો છે. સાથે જ, ઉપરાષ્ટ્રપતિ વાન્સે વડાપ્રધાન મોદીને “એક કઠોર વાટાઘાટકાર” તરીકે પણ સરાહ્યા છે.
આ બેઠક દરમિયાન ભારતે અમેરિકાથી આયાત થતા કેટલાક ઉત્પાદનો પર લાગતા ટેરિફમાં ઘટાડો કર્યો છે, જેને યુએસ ટ્રેડ રિપ્રેઝન્ટેટિવ દ્વારા સ્વાગત મળ્યું છે. વાન્સે જણાવ્યું કે ભારતની આ પહેલ દ્વિપક્ષીય વેપારને નવી ઊંચાઈઓ પર લઈ જશે અને બંને દેશો માટે વિન્ં-વિન પરિસ્થિતિ ઊભી કરશે. સાથે સાથે તેમણે સ્પષ્ટતા કરી કે આવનારા સમયમાં ભારતને નોન-ટેરિફ અવરોધો પણ હટાવવા પડશે, જેથી અમેરિકન ઉત્પાદકો માટે ભારતીય બજાર વધુ ખુલ્લું બને.
ફેક્ટશીટ મુજબ, વર્ષ 2024માં માત્ર વેપાર અવરોધોને કારણે અમેરિકાને અંદાજે $45.7 બિલિયનનું નુકસાન થયું હતું. આ હિસાબે, ભારતમાં ટેરિફ ઘટાડો માત્ર વ્યવસાયિક નહીં પરંતુ વ્યૂહાત્મક નિર્ણયો તરીકે જોવામાં આવી રહ્યો છે.
માત્ર વેપાર જ નહીં, રક્ષણ ક્ષેત્રે પણ બંને દેશોએ “21મી સદી માટે કોમ્પેક્ટ પાર્ટનરશિપ”ના રૂપમાં લશ્કરી સહકારને આગળ વધારવાનો નિર્ણય કર્યો છે. જેઅંતરગત, ભારત અને અમેરિકા મળીને એન્ટી-ટેન્ક મિસાઇલ “જેવલિન” અને ઇન્ફન્ટ્રી કોમ્બેટ વ્હીકલ “સ્ટ્રાઇકર”ના સંયુક્ત ઉત્પાદનની યોજના બનાવી રહ્યા છે.
વિશિષ્ટ કવાયતો જેમ કે “ટાઇગર-ટ્રાયમ્ફ” હવે વધુ નિયમિત કરવામાં આવશે, જેમાં બંને દેશોની સેનાઓ આપત્તિ દરમિયાનની સહયોગી કામગીરીનો અભ્યાસ કરશે.
આ રીતે, પીએમ મોદી અને વાન્સની મુલાકાતે માત્ર વાતચીત સુધી સીમિત ન રહી, પરંતુ તેનું તાત્કાલિક વ્યાવસાયિક અને રક્ષણાત્મક પરિણામો પણ જોવા મળ્યા છે – જે 21મી સદીના ભારત-અમેરિકા સંબંધોને નવા દિશામાં લઈ જશે.
