ભાજપના પ્રમુખનું એલાન અને સંગઠનમાં મોટા ફેરબદલનું કાઉન્ટડાઉન શરૂ થઈ ચૂક્યું છે. ર૦ મી એપ્રિલ પછી ગમે ત્યારે પક્ષના નવા પ્રમુખની ઘોષણા થઈ શકે છે. ગુજરાત સહિતના રાજ્યોને પણ નવા અધ્યક્ષ મળશે. કેટલાક મહામંત્રીઓ બદલાશે, કેટલાકને આરામ આપવાની પણ તૈયારી હોવાનું જાણવા મળે છે.
ભાજપના રાષ્ટ્રીય અધ્યક્ષની ચૂંટણી ર૦ અપ્રિલ પછી થઈ શકે છે. આ સાથે ઉત્તરપ્રદેશ, કર્ણાટક, મધ્યપ્રદેશ, ગુજરાત અને પશ્ચિમ બંગાળ રાજ્યોના પાર્ટી અધ્યક્ષોના નામ પણ થોડા દિવસોમાં જાહેર થઈ શકે છે. બુધવારે દિલ્હીમાં વડાપ્રધાન મોદીના નિવાસસ્થાને એક મોટી બેઠક યોજાઈ હતી. આમાં ગૃહમંત્રી અમિત શાહ, સંરક્ષણ મંત્રી રાજનાથસિંહ, ભાજપ પ્રમુખ જે.પી. નડ્ડા અને ભાજપના રાષ્ટ્રીય મહાસચિવ (સંગઠન) બી.એલ. સંતોષ જોડાયા.
સૂત્રના જણાવ્યા અનુસાર બેઠકમાં સંગઠનમાં ફેરબદલ અને નવા રાષ્ટ્રીય પ્રમુખની ચૂંટણી અંગે ચર્ચા કરવામાં આવી હતી. હાલમાં જે.પી. નડ્ડા ભાજપના રાષ્ટ્રીય અધ્યક્ષ છે. તેમણે જાન્યુઆરી ર૦ર૦ માં આ પદ સંભાળ્યું. તેમનો કાર્યકાળ જૂન ર૦ર૪ સુધી લંબાવવામાં આવ્યો હતો, જેથી તેઓ લોકસભા ચૂંટણી સુધી કામ કરી શકે.
રાષ્ટ્રપતિ પદ માટેની ચૂંટણી ફેબ્રુઆરી ર૦રપ સુધીમાં પૂર્ણ થવાની હતી, પરંતુ હરિયાણા, મહારાષ્ટ્ર, ઝારખંડ અને દિલ્હીમાં રાજ્ય ચૂંટણીઓને કારણે તેમાં વિલંબ થયો. નડ્ડા હાલમાં કેન્દ્રિય મંત્રી પણ છે, પરંતુ નવા પ્રમુખની પસંદગી ન થાય ત્યાં સુધી તેઓ પાર્ટી પ્રમુખ રહેશે.
ભાજપે પ્રદેશ પ્રમુખોની ચૂંટણીની પ્રક્રિયા શરૂ કરી દીધી છે. આ પ્રક્રિયા ઘણાં રાજ્યોમાં પૂર્ણ થઈ ગઈ છે, પરંતુ ઉત્તરપ્રદેશ, ગુજરાત, મધ્યપ્રદેશ, કર્ણાટક અને પશ્ચિમ જેવા કેટલાક મોટા રાજ્યોમાં હજુ સુધી નવા પ્રમુખની નિમણૂક કરવામાં આવી નથી.
પશ્ચિમ બંગાળમાં આવતા વર્ષે વિધાનસભાની ચૂંટણીઓ યોજાવમાની છે. તેથી ભાજપ નવા પ્રદેશ પ્રુમખ અને નવી ટીમ શોધી રહી છે, જે ચૂંટણી પહેલા જવાબદારી સંભાળી શકે. ર૦ એપ્રિલ પછી પાર્ટી રાષ્ટ્રીય અધ્યક્ષની ચૂંટણી માટેનો સમયપત્રક જાહેર કરશે. આમાં નામાંકનની તારીખ, ચૂંટણીની તારીખ, (જો જરૂરી હોય તો) અને નવા પક્ષ પ્રમુખની જાહેરાતનો સમાવેશ થશે.
