National Herald Case: EDની ચાર્જશીટ બાદ સોનિયા-રાહુલના રાજકીય સંકટમાં વધારો, જાણો આખી કહાણી શું છે?
National Herald Case નેશનલ હેરાલ્ડ મની લોન્ડરિંગ કેસ ફરીથી ચર્ચામાં છે, કારણ કે Enforcement Directorate (ED) એ કોંગ્રેસ નેતા સોનિયા ગાંધી, રાહુલ ગાંધી અને સેમ પિત્રોડા સહિતની સામે દિલ્હી કોર્ટમાં ચાર્જશીટ દાખલ કરી છે. આ કેસમાં હવે 25 એપ્રિલે રાઉઝ એવન્યુ કોર્ટમાં સુનાવણી થવાની છે.
આ સમગ્ર વિવાદ 2012માં શરૂ થયો હતો, જ્યારે ભાજપના નેતા સુબ્રમણ્યમ સ્વામીએ આરોપ લગાવ્યો હતો કે કોંગ્રેસના નેતાઓએ યંગ ઈન્ડિયન લિમિટેડ (YIL) મારફતે અસોસિએટેડ જર્નલ્સ લિમિટેડ (AJL) અને તેની સંપત્તિ પર ગેરકાયદેસર રીતે કબજો કર્યો. AJL એ નેશનલ હેરાલ્ડ અખબાર ચલાવતી કંપની છે, જેની સ્થાપના 1938માં જવાહરલાલ નહેરુએ કરી હતી.
ED મુજબ, કોંગ્રેસે AJLને આપેલી રૂ. 90 કરોડની લોન બાદ, YIL નામની નવી કંપની બનાવી, જેમાં સોનિયા અને રાહુલના 38-38% શેર છે. YIL એ માત્ર રૂ. 50 લાખમાં AJLના લગભગ 99% શેર ખરીદ્યા, જેનાથી YILને AJLની 2,000 કરોડની મિલકત પર નિયંત્રણ મળ્યું. EDએ આ વ્યવહારને મની લોન્ડરિંગ ગણાવ્યું છે અને આશરે 988 કરોડ રૂપિયાની ગેરકાયદે આવક હોવાનો આરોપ લગાવ્યો છે.
As stated years ago when this was initiated, the National Herald case is a one-trick wonder where this government has started a money laundering investigation without there being any movement of money, any movement of property, or any activity that caused a transfer.
Merely a… pic.twitter.com/MrwDszC2mY
— Congress (@INCIndia) April 15, 2025
EDનું કહેવું છે કે AJL પાસે દિલ્હી, લખનૌ અને મુંબઈ જેવી શહેરોમાં કરોડોની મિલકતો છે, જે યુવા ભારતીય દ્વારા હસ્તગત કરવામાં આવી છે. આ મિલકતોને ગુનાહિત આવકના રૂપમાં દર્શાવવામાં આવી છે.
કોંગ્રેસ પક્ષ આ તમામ આરોપોને નકારી કાઢી રહ્યો છે અને આરોપ લગાવી રહ્યો છે કે કેન્દ્ર સરકાર રાજકીય બદલો લેવા માટે તપાસ એજન્સીઓનો ઉપયોગ કરી રહી છે. પક્ષનું કહેવું છે કે YIL માત્ર AJLના દૈનિક પ્રકાશનના પુનરજીવન માટે ઉભી કરવામાં આવી હતી.
હવે સમગ્ર દેશ અને રાજકીય વર્તુળોની નજર 25 એપ્રિલે થનારી કોર્ટ સુનાવણી પર છે – જ્યાં નિર્ણય થશે કે આ કેસ સાચે મની લોન્ડરિંગ છે કે રાજકીય પદ્ધતિથી બનાવેલો વિવાદ.
