Mamata Banerjee મુખ્યમંત્રી મમતા બેનર્જીની જાહેરાત, પશ્ચિમ બંગાળમાં વક્ફ સુધારો કાયદો લાગુ કરવામાં આવશે નહીં
Mamata Banerjee પશ્ચિમ બંગાળના મુખ્યમંત્રી મમતા બેનર્જીએ બુધવારે કોલકાતામાં જૈન સમુદાયના કાર્યક્રમને સંબોધિત કરતી વખતે સ્પષ્ટપણે કહ્યું કે રાજ્યમાં વકફ (સુધારો) કાયદો લાગુ કરવામાં આવશે નહીં. તેમણે કહ્યું કે તેઓ લઘુમતી સમુદાયો અને તેમની મિલકતોના રક્ષણ માટે પ્રતિબદ્ધ છે.
સભાને સંબોધતા મમતા બેનર્જીએ કહ્યું, “હું જાણું છું કે તમે(મુસ્લિમો) વક્ફ કાયદાથી નાખુશ છો. પરંતુ મારા પર વિશ્વાસ કરો, અમે બંગાળમાં એવું કંઈ પણ થવા દઈશું નહીં જે ‘ભાગલા પાડો અને રાજ કરો’ ની નીતિને પ્રોત્સાહન નહીં આપીશું.”
તેમણે વધુમાં કહ્યું કે “તમે બાંગ્લાદેશની પરિસ્થિતિ જુઓ છો, ત્યાં શું થઈ રહ્યું છે. આવા સમયે આ (વક્ફ સુધારા બિલ) પસાર થવું જોઈતું ન હતું.” નોંધનીય છે કે સંસદના બંને ગૃહોમાં લાંબી ચર્ચા બાદ વકફ (સુધારા) બિલ તાજેતરમાં પસાર થયું હતું. આ બિલ ગુરુવારે લોકસભામાં પસાર થયું હતું, જ્યારે શુક્રવારે વહેલી સવારે રાજ્યસભામાં તેને મંજૂરી આપવામાં આવી હતી. આ પછી, રાષ્ટ્રપતિ દ્રૌપદી મુર્મુએ શનિવારે આ બિલને મંજૂરી આપી.
કેન્દ્ર સરકારે આ બિલ અંગે પોતાનો ઇરાદો સ્પષ્ટ કરી દીધો હોવા છતાં, બંગાળના મુખ્યમંત્રી મમતા બેનર્જીએ તેની વિરુદ્ધ અવાજ ઉઠાવીને અને રાજ્યમાં તેનો અમલ ન કરીને એક મોટો રાજકીય સંદેશ આપ્યો છે. આગામી લોકસભા ચૂંટણીને ધ્યાનમાં રાખીને, ખાસ કરીને લઘુમતી સમુદાયોમાં તેમની પકડ મજબૂત કરવાના સંદર્ભમાં પણ આ નિર્ણય મહત્વપૂર્ણ માનવામાં આવી રહ્યો છે.
