Maharashtra: ભિવંડીમાં ધીરેન્દ્ર શાસ્ત્રીના કાર્યક્રમમાં નાસભાગ, ભભૂતિ મેળવવાની સ્પર્ધા
Maharashtra ભિવંડીમાં બાગેશ્વર ધામ મહારાજ ધીરેન્દ્ર શાસ્ત્રી દ્વારા આયોજિત કાર્યક્રમમાં રવિવારે એક અણધારી ઘટના બની હતી. કાર્યક્રમ દરમિયાન જ્યારે વિભૂતિનું વિતરણ કરવામાં આવી રહ્યું હતું ત્યારે ભીડ એટલી વધી ગઈ હતી કે નાસભાગ જેવી સ્થિતિ સર્જાઈ હતી. ભિવંડીના માનકોલી બ્લોક સ્થિત ઈન્ડિયન ઓઈલ કંપની પાસે આ કાર્યક્રમનું આયોજન કરવામાં આવ્યું હતું, જ્યાં મોટી સંખ્યામાં લોકો ધીરેન્દ્ર શાસ્ત્રી પાસેથી ભભૂતિ પ્રાપ્ત કરવા માટે એકઠા થયા હતા.
Maharashtra ધીરેન્દ્ર શાસ્ત્રીએ સૌપ્રથમ મહિલાઓને લાઈનમાં ઊભા રહીને ભભૂતિ લેવા અપીલ કરી અને પછી પુરુષોને બોલાવ્યા. પરંતુ ધીમે ધીમે ભીડ એટલી વધી ગઈ કે તેને સંભાળવું મુશ્કેલ થઈ ગયું. લોકો એકબીજા પર ચઢવા લાગ્યા અને નાસભાગ મચી ગઈ. સ્થળ પર હાજર સુરક્ષાકર્મીઓ અને બાઉન્સરોએ કોઈક રીતે પરિસ્થિતિને કાબૂમાં લેવાનો પ્રયાસ કર્યો હતો, પરંતુ ભીડની અરાજકતા વધી રહી હતી. ખાસ કરીને મહિલાઓને શ્વાસ લેવામાં તકલીફ થવા લાગી, જેના કારણે સ્થિતિ વધુ ગંભીર બની ગઈ.
#WATCH | Thane, Maharashtra: A stampede-like situation occurred during the event of Bageshwar Dham chief Dhirendra Krishna Shastri in Mankoli Naka. More details awaited. pic.twitter.com/nJYTyrbCBd
— ANI (@ANI) January 4, 2025
જ્યારે પરિસ્થિતિ વધુ વણસી ત્યારે ધીરેન્દ્ર શાસ્ત્રીએ સ્થળ છોડવાનો નિર્ણય કર્યો.
તે સ્ટેજ છોડતાની સાથે જ લોકો વધુ ઉશ્કેરાઈ ગયા અને સ્ટેજ પર ચઢવા લાગ્યા, જેના કારણે નાસભાગ મચી ગઈ. આ પછી પોલીસ ઘટનાસ્થળે પહોંચી અને પરિસ્થિતિને કાબૂમાં લેવાનો પ્રયાસ કર્યો. પોલીસે હળવો બળપ્રયોગ કરીને લોકોને હટાવવાનો પ્રયાસ કર્યો હતો જેથી સ્થિતિ સામાન્ય બની શકે.
જોકે આ ઘટનામાં કોઈ જાનહાનિ થઈ ન હતી, પરંતુ પરિસ્થિતિએ પોલીસ અને આયોજકો માટે એક મોટો સુરક્ષા પડકાર ઊભો કર્યો હતો. આ ઘટના બાદ ભિવંડીમાં સુરક્ષાને લઈને સવાલો ઉઠવા લાગ્યા છે.
