Government Internship for Women : મહિલાઓ માટે સરકારી ઇન્ટર્નશિપ: દર મહિને ₹20,000 સાથે મફત હોસ્ટેલ સુવિધા!
Government Internship for Women : જો તમે કેન્દ્ર સરકારમાં ઇન્ટર્નશિપ કરવાની તક ગુમાવી હોય, તો ચિંતા કરવાની જરૂર નથી. સરકાર મહિલાઓ માટે ખાસ ઇન્ટર્નશિપ પ્રોગ્રામ લઈને આવી છે, જેમાં દર મહિને ₹20,000 સ્ટાઈપેન્ડ અને હોસ્ટેલ સુવિધા આપવામાં આવે છે. આ ઇન્ટર્નશિપ મહિલા અને બાળ વિકાસ મંત્રાલય દ્વારા વર્ષમાં ચાર વખત યોજાય છે.
શું છે આ ઇન્ટર્નશિપ યોજના?
મહિલા અને બાળ વિકાસ મંત્રાલયના ‘ઇન્ટર્નશિપ પ્રોગ્રામ’ હેઠળ, દેશભરમાંથી પસંદ થયેલ મહિલાઓને મંત્રાલયમાં કામ કરવાનો અવકાશ મળશે. મોદી સરકારના ‘સબકા સાથ, સબકા વિકાસ, સબકા વિશ્વાસ, સબકા પ્રયાસ’ અભિયાન અંતર્ગત, મહિલાઓને શાસકીય કાર્યપદ્ધતિ, નીતિઓ અને વિકાસપ્રક્રિયા વિશે વ્યાવસાયિક અનુભવ આપવામાં આવશે.
કોણ અરજી કરી શકે?
ફક્ત મહિલાઓ જ આ ઇન્ટર્નશિપ માટે લાયક છે.
ઉમેદવારની ઉંમર 21 થી 40 વર્ષની હોવી જોઈએ.
આ ઇન્ટર્નશિપ માત્ર ગ્રામીણ અને નાના શહેરોમાં રહેતી મહિલાઓ માટે છે.
કોઈપણ માન્ય યુનિવર્સિટી અથવા સંસ્થાનો ભાગ હોવો આવશ્યક છે.
ઇન્ટર્નશિપની મુખ્ય હાઇલાઇટ્સ:
દર મહિને ₹20,000 સ્ટાઈપેન્ડ.
ડીલક્સ બસ/એસી ટ્રેન દ્વારા આવવા-જવાની માટે ટિકિટ આપવામાં આવશે.
ટ્રિપલ શેરિંગ રૂમ સાથે હોસ્ટેલ સુવિધા ઉપલબ્ધ.
દરેક રૂમમાં પલંગ, ટેબલ, ખુરશી અને કબાટ આપવામાં આવશે.
ઇન્ટર્નશીપ પૂર્ણ થયા પછી માન્ય પ્રમાણપત્ર મળશે.
ક્યારે અને કેવી રીતે અરજી કરવી?
વર્ષમાં ચાર વખત: મે-જૂન, ઓગસ્ટ-સપ્ટેમ્બર, નવેમ્બર-ડિસેમ્બર, ફેબ્રુઆરી-માર્ચ.
બેચ શરૂ થવા પહેલા બે મહિના અગાઉ અરજીઓ ખુલશે.
સત્તાવાર પોર્ટલ પર ઓનલાઈન અરજી કરવાની રહેશે.
રજીસ્ટ્રેશન માટે નામ, રાજ્ય, જિલ્લો, મોબાઈલ નંબર અને પાસવર્ડ બનાવી લોગિન કરવું પડશે.
કોણે અરજી કરી શકતું નથી?
પુરુષ ઉમેદવારો આ ઇન્ટર્નશીપ માટે લાયક નથી.
મેટ્રો શહેરોમાં રહેતી મહિલાઓ (જેમ કે દિલ્હી, મુંબઈ, ચેન્નાઈ, બેંગલુરુ, હૈદરાબાદ, અમદાવાદ) પણ આ માટે અરજી કરી શકશે નહીં.
આ યોજના ગ્રામીણ વિસ્તારની મહિલાઓ માટે ઉત્તમ તક છે, જ્યાં તેઓ સરકારી મંત્રાલયમાં કામ કરીને અમૂલ્ય અનુભવ મેળવી શકે. જો તમે પણ પાત્રતા ધરાવો છો, તો સમય ચૂક્યા વિના અરજી કરી લો!
