આગરાઃ સામાન્ય રીતે પ્રેમમાં પાગલ પ્રેમીઓ જ યુવતીઓ ઉપર એસિડ અટેક કરવાની ઘટનાઓ અંગે આપણે સાંભળી હશે. પરંતુ ઉત્તર પ્રદેશમાં ઉલટી ગંગા સમાન કિસ્સો પ્રકાશમાં આવ્યો હતો. અહીં પ્રેમીના લગ્ન નક્કી થતાં પ્રેમિકાએ તેજાબ એસિડ એટેક કર્યો હતો. જોકે, ગંભીર રીતે દાઝેલા પ્રેમીનું સારવાર દરમિયાન મોત નીપજ્યું હતું.
બનાવ આગરા શહેરના હરીપર્વત પોલીસ મથકની હદમાં ઘટી છે. અહીંયા દેવેન્દ્ર કુમાર નામના એક યુવકનું સારવાર દરમિયાન મોત થયું છે. જોકે, દેવેન્દ્રનું મૃત્યુ તેની પ્રેમિકા દ્વારા ફેંકવામાં આવેલા એસિડથી થયેલી ઇજાઓની સારવાર દરમિયાન થયું છે. પ્રાપ્ત વિગતો મુજબ દેવેન્દ્ર તેની પ્રેમિકા સોમના સાથે સાથે લીવ-ઇનમાં રહેતો હતો.
દેવેન્દ્ર અને સોમના આ એસિડ કિસ્સામાં દેવેન્દ્રએ હૉસ્પિટલમાં મરતા પહેલાં નિવેદન આપ્યું હતું કે ‘હું ઘરે પરત ફર્યો ત્યારે સોમને મારા માટે ચા બનાવી હતી અને ત્યારબાદ હું ચા પીને ઉંઘી ગયો ત્યારે સોનમે મારા પર એસિડ ફેંકી દીધું હતું અને ત્યારબાદ તે ભાગી ગઈ હતી’
આ અંગે આગરાના સિટી એસપી રોહન પી બોત્રેએ જણાવ્યું હતું કે ‘પ્રેમી દેવેન્દ્ર કાસગંજ જિલ્લાનો રહેવાસી હતો અને સોમન ઓરૈયાની રહેવાસી હતી. દેવેન્દ્ર એક પેથૉલૉજી લેબમાં કામ કરતો હતો અને સોમન હૉસ્પિટલમાં નર્સ હતી. બંને લીવ-ઇન રિલેશનમાં રહેતા હતા.
જોકે, કોઈ કારણોસર આ બંને વચ્ચે કોઈક કારણોસર વિવાદ થતા સોમન નામની આરોપીએ દેવેન્દ્ર પર તેજાબ ફેંક્યુ હતું. દેવેન્દ્રને સારવાર માટે હૉસ્પિટલમાં લઈ આવવામાં આવ્યો હતો જ્યાં તેનું મોત થયું છે.
