EPFO
એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) પાસે PFમાંથી પૈસા ઉપાડનારાઓ માટે સારા સમાચાર છે. EPFOએ ઓટો મોડ સેટલમેન્ટ શરૂ કર્યું છે. 6 કરોડથી વધુ પીએફ સભ્યોને આનો ફાયદો થશે. આ સુવિધા દ્વારા તમારા બેંક ખાતામાં 3 દિવસમાં પૈસા આવી જશે. EPFOની આ ઇમરજન્સી સેવા માત્ર બીમારીની સારવાર, શિક્ષણ, લગ્ન અને મકાન ખરીદવા વગેરે જેવા આવશ્યક હેતુઓ માટે જ લાગુ પડે છે. આ સિવાય તમે બીમારી, ભણતર, લગ્ન અને ઘર ખરીદવા માટે પણ EPFમાંથી પૈસા ઉપાડી શકો છો. આ સાથે હવે સબ્સ્ક્રાઇબર્સ બહેન કે ભાઈના લગ્ન માટે એડવાન્સ ફંડ પણ ઉપાડી શકશે.
એટલું જ નહીં, EPFO ખાતામાંથી એડવાન્સ ફંડની મર્યાદા પણ 50,000 રૂપિયાથી વધારીને 1 લાખ રૂપિયા કરવામાં આવી છે. એડવાન્સ ઉપાડ ઓટો સેટલમેન્ટ મોડ કોમ્પ્યુટર દ્વારા કરવામાં આવશે. અરજી કર્યા પછી, ત્રણ દિવસની અંદર તમારા ખાતામાં કોઈની મંજૂરીની જરૂર રહેશે નહીં.
કેવી રીતે અરજી કરવી, જાણો પ્રક્રિયા….
– EPFO પોર્ટલ પર લોગ-ઇન કરો
-આ માટે UAN અને પાસવર્ડ જરૂરી છે.
– લોગ ઈન કર્યા પછી, ઓનલાઈન સેવાઓ પર જાઓ અને ક્લેમ સેક્શન પસંદ કરો.
– તમે જે બેંક એકાઉન્ટમાં પૈસા ટ્રાન્સફર કરવા માંગો છો તેની ચકાસણી કરો.
-હવે તમારે તમારા બેંક એકાઉન્ટ ચેક અથવા પાસબુકની કોપી અપલોડ કરવાની રહેશે.
-પછી તે કારણ જણાવો જેના કારણે તમે પૈસા ઉપાડવા માંગો છો.
-પ્રોસેસિંગ પછી 3 થી 4 દિવસમાં પૈસા તમારા ખાતામાં આવી જશે.
