ભારતમાં ઈ-ટ્રોન જીટી ઈલેક્ટ્રિક કાર લોન્ચ થઇ, વારંવાર નહીં કરવી પડે ચાર્જ
EVsના કિસ્સામાં, ઓડી એ મોટી છલાંગ લગાવી રહી છે. આપણે તાજેતરમાં લોન્ચ થયેલી ઇ-ટ્રોન એસયુવી અને સ્પોર્ટબેક આવૃત્તિ જોઇ છે, પરંતુ હવે સ્પોર્ટ્સ કાર ભારતમાં આવી છે. તે ચાર પૈડાવાળી Coupe છે અને ભવિષ્યની સ્પોર્ટ્સ કારનું પ્રતિનિધિત્વ કરે છે. બીજા શબ્દોમાં કહીએ તો તે એક સુંદર દેખાતી કાર છે જે આગળની ઇલેક્ટ્રિક મોટર સાથે 238 PS ના આઉટપુટ સાથે અને પાછળના મોટર પેક સાથે 435 PS ના આઉટપુટ સાથે આવે છે.
ઇ-ટ્રોન જીટી ઇલેક્ટ્રિક કાર 630Nm સાથે 530 PS પાવર જનરેટ કરે છે. RS e-tron GT માં, ફ્રન્ટ એક્સલ પર ઇલેક્ટ્રિક મોટર 238 PS બનાવે છે જ્યારે પાછળની મોટર 456 PS બનાવે છે. કુલ આઉટપુટ 598 PS છે અને કુલ ટોર્ક 830 Nm છે. બુસ્ટ મોડમાં, આઉટપુટ 646 PS પર જાય છે. પાછળની ઇલેક્ટ્રિક મોટર પણ તેના ટોર્કને બે સ્પીડ ટ્રાન્સમિશનમાં ટ્રાન્સફર કરે છે.
ઓડી કારની જેમ, ઇ-ટ્રોન જીટી અને આરએસ ઇલેક્ટ્રિક ઓલ-વ્હીલ ડ્રાઇવ છે જ્યારે લિથિયમ-આયન બેટરી સિસ્ટમ એક્સલ્સ વચ્ચે સ્થિત છે. હાઇ પરફોર્મન્સ EV હોવાથી, આ કારો સાથે 500 કિમી (WLTP રેન્જ) ની રેન્જ પણ પ્રભાવશાળી છે. તેથી તેને વારંવાર ચાર્જ કરવાની જરૂર નથી અને તમે આ કારમાં મોટા અંતર સરળતાથી કાપી શકો છો.
અન્ય ઇ-ટ્રોન મોડેલોની જેમ, જીટીમાં પણ ઝડપી ચાર્જિંગ વિકલ્પ સાથે હોમ ચાર્જિંગ સેટ-અપ હશે. ફાસ્ટ ચાર્જિંગ કારને થોડીવારમાં ટોપ અપ કરશે. તેની અંદર ખાસ્સી જગ્યા છે, જેમાં ચાર લોકો આરામથી બેસી શકે છે. ઇન્ટીરીયર સામાન્ય રીતે ઓડી તેમજ તેના ટ્રેડમાર્ક ડિજિટલ ડિસ્પ્લે સાથે આવે છે. જીટી માટે રૂ. 1.79 કરોડ અને આરએસ જીટી માટે રૂ. 2.04 કરોડની કીંમત છે બંને હાલની સૌથી ઝડપી ઇલેક્ટ્રિક કાર છે.
