એન્ફોર્સમેન્ટ ડિરેક્ટોરેટ (ED) એ શુક્રવારે કથિત દિલ્હી એક્સાઇઝ પોલિસી કૌભાંડમાં સાત કંપનીઓ અને પાંચ વ્યક્તિઓ સહિત 12 લોકો વિરુદ્ધ કોર્ટમાં પૂરક ચાર્જશીટ દાખલ કરી છે. આ ચાર્જશીટમાં દિલ્હીના નાયબ મુખ્યમંત્રી મનીષ સિસોદિયાનું નામ પણ આરોપી તરીકે સામેલ કરવામાં આવ્યું નથી. કોર્ટ શનિવારે આ ચાર્જશીટ પર સંજ્ઞાન લઈ શકે છે.
રાઉસ એવન્યુના સ્પેશિયલ જજ એમ.કે. નાગપાલની કોર્ટમાં આ પૂરક ચાર્જશીટ દાખલ કરવામાં આવી છે. ચાર્જશીટમાં કંપનીઓ સિવાય વિજય નાયર, શરથ રેડ્ડી, બિનોય બાબુ, અભિષેક બોઈનાપલ્લી અને અમિત અરોરાના નામ છે. ED તરફથી કોર્ટને કહેવામાં આવ્યું કે આ મામલે હજુ પણ તપાસ ચાલી રહી છે. ઘણા વધુ મહત્વના નામો સામે આવી શકે છે.
આબકારી નીતિમાં ગેરરીતિઓના આક્ષેપો બાદ વર્ષ 2021-22 માટેની પોલિસી રદ કરવામાં આવી હતી. પ્રિવેન્શન ઓફ મની લોન્ડરિંગ એક્ટની વિવિધ કલમો હેઠળ આ કેસમાં ED દ્વારા દાખલ કરવામાં આવેલી આ બીજી પ્રોસિક્યુશન ફરિયાદ (પૂરક ચાર્જશીટ) છે. ગયા વર્ષે નવેમ્બરમાં પ્રથમ ચાર્જશીટ દાખલ કરવામાં આવી હતી.
પૂરક ચાર્જશીટમાં આરોપી બનાવવામાં આવેલા અભિષેક બોઈનાપલ્લી સહિત અન્ય લોકોની જામીન સુનાવણી આવતા અઠવાડિયે થવાની છે. પૂરક ચાર્જશીટના આધારે, તેમની જામીન અરજી પર દિલ્હી હાઈકોર્ટ અને રાઉઝ એવન્યુ કોર્ટમાં 11 અને 12 જાન્યુઆરી સુધી સુનાવણી સ્થગિત કરવામાં આવી છે.
