Amit Shah On US Tariff ટ્રમ્પના ટેરિફનો ભારત પર અસર? અમિત શાહે કહ્યું – “દબાણ છે, પણ ગભરાવાની જરૂર નથી”
Amit Shah On US Tariff અમેરિકા દ્વારા ચીન સહિત અનેક દેશો પર લાદાયેલા ટેરિફના પગલાં હવે ભારત સુધી પણ પહોંચી રહ્યા છે. જોકે કેન્દ્રીય ગૃહમંત્રી અમિત શાહે ભારતમાં થયેલા ‘રાઇઝિંગ ઇન્ડિયા સમિટ’ દરમિયાન સ્પષ્ટ કર્યો કે આવા બાહ્ય દબાણોનો ભારતની મજબૂત અર્થવ્યવસ્થાએ સારી રીતે સામનો કરી લીધો છે અને કરવાની ક્ષમતા ધરાવે છે.
શાહે શું કહ્યું?
9 એપ્રિલ, 2025ના રોજ દિલ્લીમાં વાત કરતાં અમિત શાહે કહ્યું, “તેની અસર નક્કી કરવી હજુ ખૂબ જ વહેલું ગણાશે. ભારત એકમાત્ર એવો દેશ નથી જે ટેરિફનો સામનો કરી રહ્યો છે. ઘણા દેશો પર ટેરિફ લાદવામાં આવ્યા છે. આપણા ઉત્પાદનો માટે વૈકલ્પિક બજાર પણ શોધી શકાય.”શાહે લોકોમાં વિશ્વાસ જમાવતા કહ્યું કે, “આર્થિક દબાણો વચ્ચે પણ ભારતીય નાગરિકો ગભરાશો નહીં, આપણી અર્થવ્યવસ્થા સ્થિર છે.”
વાણીજ્ય મંત્રી પિયૂષ ગોયલ અને વિદેશ મંત્રી જયશંકરનો સંદેશ
કેન્દ્રીય વાણિજ્ય મંત્રી પિયૂષ ગોયલે પણ સ્પષ્ટ કહ્યું છે કે ભારત ટ્રમ્પ વહીવટીતંત્ર સાથે ટેરિફમાંથી મુક્તિ મેળવવા માટે સીધી વાતચીત કરશે. તેમણે કહ્યું કે, ભારત અને અમેરિકાની વચ્ચે વર્ષના અંત સુધીમાં દ્વિપક્ષીય વેપાર કરાર (BTA) માટે વાટાઘાટો શરૂ થશે.
વિદેશ મંત્રી એસ. જયશંકરે પણ કહ્યું કે, “અમે ટ્રમ્પ પ્રશાસન સાથે ટૂંક સમયમાં ચર્ચા કરીશું. બંને દેશો વચ્ચે વર્તમાન ટેરિફ પરિસ્થિતિની વિગતો અને તેના પડઘાઓ અંગે સ્પષ્ટતા આવશ્યક છે. અમે આ વર્ષે અંત સુધીમાં BTAના પહેલા તબક્કા માટે સંપૂર્ણ રીતે પ્રતિબદ્ધ છીએ.”
મોદી-ટ્રમ્પ બેઠકના પરિણામો
ફેબ્રુઆરીમાં વડાપ્રધાન મોદી અને રાષ્ટ્રપતિ ટ્રમ્પ વચ્ચે વોશિંગ્ટનમાં થયેલી બેઠકમાં આ દિશામાં સહમતી બની હતી કે બંને દેશો આર્થિક ભાગીદારીને વધુ મજબૂત બનાવશે.જેમ કે શાહે જણાવ્યું, ટેરિફનું દબાણ છે, પણ ભારતના મજબૂત અર્થતંત્રને કારણે immediate અસરનો અંદાજ લગાવવો શક્ય નથી. આગામી મહિના વેપાર વાટાઘાટો માટે નિર્ણાયક સાબિત થશે.
