ટોકીઝ અને મલ્ટીપ્લેકસમાં ફિલ્મ પૂર્વે રાષ્ટ્રગાન વગાડવું ફરજિયાત.

સુપ્રીમ કોર્ટે એક મહત્વના આદેશમાં ટોકીઝ અને મલ્ટીપ્લેકસમાં ફિલ્મ દેખાડાય તે પૂર્વે રાષ્ટ્રગાન ફરજીયાત વગાડવા આદેશ આપ્યો છે. શ્યામ નારાયણ ચોકસી નામના એક અરજદારે કરેલી અરજી પર સુનાવણી બાદ સુપ્રીમ કોર્ટે કહ્યું હતું કે જ્યારે રાષ્ટ્રગાન વાગે ત્યારે તમામ દર્શકોએ તેમને સમ્માન પણ આપવું પડશે. આ આદેશ અંગે તમામ મુખ્ય સચિવોને જાણ કરી દેવામાં આવી છે અને તેના અમલ માટે એક અઠવાડીયાનો સમય પણ આપ્યો છે. સુપ્રિમ કોર્ટે પોતાના આદેશમાં એવુ પણ કહયું છે કે એન્ટરટેઈન્ટમેન્ટ ટીવી શો દરમ્યાન રાષ્ટ્ર ગાન વગાડવામાં ન આવે.સુપ્રીમ કોર્ટે આદેશ આપ્યો છેકે દેશભરના સિનેગૃહોમાં ફિલ્મ શરૂ થાય તે પહેલા રાષ્ટ્રગાન વગાડવામાં આવે. સાથે જ નિર્દેશ આપવામાં આવ્યા છે કે, ગાન આખું વગાડવામાં આવે અને તેને વચ્ચેથી અટકાવવામાં ન આવે. સાથે જ સુપ્રીમ કોર્ટે નિર્દેશ આપ્યો છેકે, જ્યારે રાષ્ટ્રગાન વાગતું હોય ત્યારે સ્ક્રિન પર ભારતનો રાષ્ટ્રધ્વજ દશર્વિવામાં આવે. ફિલ્મ જોવા આવેલા તમામ નાગરિકો આ દરમિયાન ઊભા રહે અને ગાનને સન્માન આપે. કેન્દ્ર સરકારે આ ચુકાદા સંદર્ભે તમામ રાજ્યોના મુખ્ય સચિવોને જાણ કરવાની બાંહેધરી આપી છે. સાથે જ પ્રિન્ટ અને ઈલેક્ટ્રોનિક મીડિયામાં પ્રચાર દ્વારા લોકોમાં જાગૃતિ ફેલાવવાની પણ ખાતરી ઉચ્ચારી છે.