છોકરી ની બ્રા ખેંચી ને સ્કૂલ માં હેરાન ગતિ વાંચો સમગ્ર મામલો.

નવી દિલ્હી તા.7 : તાજેતરમાં જ એક સ્કૂલ ગર્લને તેની જ ક્લાસના એક છોકરાએ બ્રાની પટ્ટી ખેંચીને હેરાન કરી હતી. છોકરીએ વિનમ્રતાથી તેને આમ ન કરવા જણાવ્યું તો પણ છોકરો સમજ્યો નહિ અને તેણે બ્રાની પટ્ટી ખેંચવાનુ ચાલુ રાખ્યુ. અંતે છોકરીએ ગુસ્સામાં આવી છોકરાના મોં પર જોરદાર મુક્કો મારી દેતા વાત સ્કૂલના પ્રિન્સિપાલ સુધી પહોંચી ગઈ હતી.નવાઈની વાત એ છે કે છોકરી સાથે અણછાજતુ વર્તન કરવા બદલ છોકરાને ખખડાવવાને બદલે ટીચર્સ અને પ્રિન્સિપાલે છોકરાને મુક્કો મારનાર છોકરીની ઝાટકણી કાઢી નાંખી હતી અને તેની માતાને તાબડતોબ પ્રિન્સિપાલની ઑફિસમાં બોલાવી હતી. પરંતુ તેની ગર્લની મમ્મીએ એવો જવાબ આપ્યો કે સ્કૂલવાળાની બોલતી બંધ થઈ ગઈ હતી.ગર્લની મમ્મીએ જણાવ્યું કે તે ઇમર્જન્સી રૂમની નર્સ હોવાથી તેની પાસે ફોન નહતો આમ છતાંય શાળાની ઓથોરિટીએ તેને હોસ્પિટલના લેન્ડલાઈન પર ફોન કરીને તાબડતોબ હાજર થવા જણાવ્યું હતું. પ્રિન્સિપાલની કેબિનમાં પહોંચતા માતા પરિસ્થિતિ પામી ગઈ હતી અને એ પણ સમજી ગઈ હતી કે સ્કૂલ વાળા છોકરા પર નહિ, પોતાની દીકરી પર ગુસ્સે ભરાયા છે.માતાએ તરત જ પ્રિન્સિપાલને કહ્યું, “તો તમે એમ જાણવા માંગો છો કે હું આ છોકરા સામે જાતીય સતામણીનો અને સ્કૂલ સામે છોકરાને આમ કરવાની પરવાનગી આપવાનો કેસ કરવા માંગુ છું કે નહિ?” છોકરીની માતા આટલુ જ બોલતા બાજી પલટાઈ ગઈ હતી અને સ્કૂલ તથા છોકરાના મા-બાપ બચાવમાં આવી ગયા હતા.શિક્ષક અને પ્રિન્સિપાલે છોકરીની મમ્મીને આવુ પગલુ ન ભરવા વિનંતી કરવા માંડી હતી. મમ્મીએ અંતે દીકરીને પૂછતા દીકરીએ જણાવ્યું, “તે ક્યારનો મારી બ્રા ખેંચતો હતો. મેં ટીચરને કહ્યુ તો તેમણે (છોકરાને વઢવાને બદલે) મને ઇગ્નોર કરવા જણાવ્યું. તેણે ફરી મારી બ્રા ખેંચતા મારી બ્રા ખુલી ગઈ હતી અને મેં તેને એક મુક્કો ફટકારી દીધો હતો. પછી તેણે આમ કરવાનુ બંધ કર્યુ.”માતાએ આ બાબતે ટીચરની ઝાટકણી કાઢતા તેમણે છોકરાને આવુ કરતા કેમ ન અટકાવ્યો તેમ પૂછ્યું. અને કડક શબ્દોમાં ટકોર કરી કે તેઓ બાળકો છે એટલે આવી મસ્તી ચાલ્યા કરે એમ સમજીને તેને શિક્ષકો પ્રોત્સાહન આપે તે યોગ્ય નથી.પ્રિન્સિપાલે જ્યારે છોકરીએ છોકરાને લોહીલુહાણ કરી દેવાનો મુદ્દો ઉઠાવ્યો ત્યારે માતાએ સ્પષ્ટ શબ્દોમાં જણાવી દીધુ કે, “મારી છોકરીએ કોઈ છોકરાને માર્યો નથી પરંતુ જાતીય સતામણી સામે પોતાનુ રક્ષણ કર્યું છે.”છોકરી સાથે ખરાબ વર્તન કરનાર છોકરાને સજા ફટકારવાને બદલે છોકરીને ઝાટકી નાંખનાર સ્કૂલને આ બહાદુર છોકરીની બહાદુર મમ્મીએ જોરદાર સબક શીખવ્યો હતો.