FSSAI ના નવા નિયમો: એક્સપાયર થયેલ અને રિજેક્ટેડ ખાદ્ય ચીજો પર કડક દેખરેખ, FBOs એ દર ક્વાર્ટરમાં ડેટા સબમિટ કરવો પડશે
ફૂડ સેફ્ટી એન્ડ સ્ટાન્ડર્ડ ઓથોરિટી ઓફ ઈન્ડિયા (FSSAI) એ ફૂડ બિઝનેસ ઓપરેટર્સ (FBOs) માટે એક નવો નિયમ અમલમાં મૂક્યો છે, જેના હેઠળ તેમણે દર ક્વાર્ટરમાં એક્સપાયર થઈ ગયેલી અને નકારેલી ખાદ્ય ચીજો વિશેનો ડેટા સબમિટ કરવાનો રહેશે. ગ્રાહકોને હલકી ગુણવત્તાવાળા ઉત્પાદનોથી બચાવવાનો પ્રયાસ કરવામાં આવી રહ્યો છે.
ફૂડ બિઝનેસ ઓપરેટરો માટે હવે કેટલી પ્રોડક્ટ્સ રિજેક્ટ કરવામાં આવી છે અથવા એક્સપાયર થઈ ગઈ છે અને તે પ્રોડક્ટ્સ સાથે શું પગલાં લેવામાં આવ્યા છે તેની માહિતી આપવી ફરજિયાત રહેશે. ઉદાહરણ તરીકે, કેટલા ઉત્પાદનોનો નાશ કરવામાં આવ્યો હતો, કેટલી હરાજી કરવામાં આવી હતી અથવા ફરીથી ઉપયોગ માટે મોકલવામાં આવી હતી. આ માહિતી FoSCoS સિસ્ટમ દ્વારા ત્રિમાસિક ધોરણે સબમિટ કરવાની રહેશે.
આ સિવાય FSSAI એ ખાદ્ય ઉત્પાદનોના ઈ-કોમર્સ વેચાણ અંગે પણ નવી સૂચનાઓ જારી કરી છે. ઈ-કોમર્સ પ્લેટફોર્મ પર વેચાતા ખાદ્ય ઉત્પાદનોની સલામતી, ગુણવત્તા અને પ્રમાણિકતા સુનિશ્ચિત કરવા વધારાના પગલાં લેવામાં આવશે.
FSSAI ની નવી સૂચનાઓ એ સુનિશ્ચિત કરવાનો છે કે ગ્રાહકો હંમેશા સલામત અને તાજા ઉત્પાદનો મેળવે અને છેતરપિંડીથી બચે.
