Shaktisinh Expressed Grief Nirbhaya Bharuch : ભરૂચની નિર્ભયા પર શક્તિસિંહ ગોહિલનું નિવેદન: ‘આવું ગુજરાત નહોતું, ભાજપના નેતાઓ ક્યાં હતા?’
શક્તિસિંહ ગોહિલે ગુજરાતમાં દુષ્કર્મના વધતા કેસો અને સુરતના હીરા ઉદ્યોગમાં મંદી પર આકરો પ્રતિસાદ આપ્યો
શક્તિસિંહ ગોહિલે ભરૂચમાં 10 વર્ષની બાળકી સાથેના દુષ્કર્મ અંગે દુઃખ વ્યક્ત કર્યું
તેમણે સુરતના હીરા ઉદ્યોગની હાલત પર પણ ગંભીર ચિંતાઓ વ્યક્ત કરી
સુરત, મંગળવાર
Shaktisinh Expressed Grief Nirbhaya Bharuch : સુરતમાં પત્રકાર પરિષદમાં ગુજરાતના પ્રદેશ પ્રભારી મુકુલ વાસનિક, પ્રદેશ પ્રમુખ શક્તિસિંહ ગોહિલ અને વિરોધ પક્ષના નેતા અમિત ચાવડા દ્વારા પત્રકાર પરિષદ સંબોધવામાં આવી હતી. જેમાં ભરૂચના દુઃખદ દુષ્કર્મ કેસ અંગે ચર્ચા કરવામાં આવી. આ કેસમાં 10 વર્ષીય બાળકી ઉપર દુષ્કર્મ થતા અને પછી સારવાર દરમિયાન 23 ડિસેમ્બરનાં રોજ વડોદરાની સયાજી હોસ્પિટલમાં 180 કલાક બાદ તેનું મોત થયું હતું. આ પરિસ્થિતિ પર શક્તિસિંહ ગોહિલે દુઃખ વ્યક્ત કરતા કહ્યું, “ગુજરાતી તરીકે મને દુઃખ છે, આવુ ગુજરાત નહોતું.”
શક્તિસિંહ ગોહિલે જણાવ્યું કે, જ્યારે ઝારખંડની સરકારએ સંવેદનશીલ રીતે દિકરીના પરિવારે માટે આર્થિક સહાય પુરી પાડી, ત્યારે ભારતીય જનતા પાર્ટી (BJP) ના કોઇપણ નેતા દ્વારા તે પ્રકારની સહાય આપવામાં આવી નહોતી. તેમણે કહ્યું કે આ પ્રકારના દુઃખદ બનાવો માટે ગુજરાતની પરંપરા વિરુદ્ધ છે, અને આ દૃશ્યથી ગુજરાતની હાલની સ્થિતિ ખૂબ જ દુઃખદ છે. ગોહિલે કહ્યું કે, છેલ્લા એક વર્ષમાં 169 દુષ્કર્મના કેસ નોંધાયા છે.
સુરતના હીરા ઉદ્યોગમાં મંડાયેલા મંદી વિષે વાત કરતા, શક્તિસિંહ ગોહિલે જણાવ્યું કે, હાલમાં સુરતમાં હીરા ઉદ્યોગમાં 2008ની મંદી કરતા પણ ખરાબ પરિસ્થિતિ છે. તેમણે આ મામલે પીએમ નરેન્દ્ર મોદીની ટીકા કરી હતી અને જણાવ્યું કે, લેબગ્રોન ડાયમંડના પ્રોત્સાહનને કારણે હીરા ઉદ્યોગની સ્થિતિ ખરાબ થઇ છે.
ગોહિલે જણાવ્યું કે, જ્યારે પીએમ મોદીએ અમેરિકાની મુલાકાત દરમિયાન બાઈડનની પત્ની પાસે લેબગ્રોન ડાયમંડ ભેટ આપ્યો, ત્યારે સુરતમાં હીરા પર પ્રશ્ન ઊભા થયા છે.
આ ઉપરાંત, G8 દેશોના પ્રતિબંધ વિશે પણ ચર્ચા કરવામાં આવી. ગોહિલે જણાવ્યું કે, છેલ્લા કેટલાક સમયથી રશિયા-યુક્રેનના સંકટને કારણે, G8 દેશોએ રશિયાથી આવતા કટીંગ અને પોલિશિંગ કરેલા હીરાને સ્વીકારવાથી ઈનકાર કરી દીધો છે. પીએમ મોદીએ આ મામલામાં કશું કરી શક્યા નહોતા, તેમ તેમણે આક્ષેપ કર્યો.
