PM Modi: ભાજપની આગેવાની હેઠળના નેશનલ ડેમોક્રેટિક એલાયન્સ (NDA)ના નેતાઓએ બુધવારે અહીં સરકારની રચના અંગે ચર્ચા કરી હતી. પીએમ મોદીના નેતૃત્વમાં આ બેઠકમાં ટીડીપી પ્રમુખ એન ચંદ્રબાબુ નાયડુ, જેડીયુ નેતા અને બિહારના મુખ્યમંત્રી નીતિશ કુમાર, શિવસેનાના નેતા અને મહારાષ્ટ્રના સીએમ એકનાથ શિંદે અને એલજેપી (રામ વિલાસ)ના નેતા ચિરાગ પાસવાન પણ હાજર હતા. આ બેઠકમાં ભાજપના અનેક વરિષ્ઠ નેતાઓ પણ હાજર રહ્યા હતા.
લોકસભા ચૂંટણીના પરિણામો બાદ દિલ્હીમાં રાજકીય ગતિવિધિઓ જોરશોરથી ચાલી રહી છે. દરમિયાન, ભાજપના નેતૃત્વ હેઠળના રાષ્ટ્રીય લોકતાંત્રિક ગઠબંધન (NDA) ના નેતાઓએ બુધવારે અહીં સરકારની રચના અંગે ચર્ચા કરી હતી.
પીએમ મોદીના નેતૃત્વમાં બેઠક યોજાઈ
પીએમ મોદીના નેતૃત્વમાં આ બેઠકમાં ટીડીપી પ્રમુખ એન ચંદ્રબાબુ નાયડુ, જેડીયુ નેતા અને બિહારના મુખ્યમંત્રી નીતિશ કુમાર, શિવસેનાના નેતા અને મહારાષ્ટ્રના સીએમ એકનાથ શિંદે અને એલજેપી (રામ વિલાસ)ના નેતા ચિરાગ પાસવાન પણ હાજર હતા. આ બેઠકમાં ભાજપના અનેક વરિષ્ઠ નેતાઓ પણ હાજર રહ્યા હતા.
આ પાર્ટીઓ કિંગ મેકર બની ગઈ
ચૂંટણી પંચ દ્વારા જાહેર કરવામાં આવેલા આંકડા અનુસાર, ટીડીપી, જેડીયુ, શિંદેના નેતૃત્વવાળી શિવસેના અને એલજેપી (રામ વિલાસ)એ અનુક્રમે 16, 12, સાત અને પાંચ બેઠકો જીતી છે. સાથે જ સરકાર બન્યા બાદ આ પક્ષો મહત્વની ભૂમિકા ભજવશે. જણાવી દઈએ કે, આ બેઠક લોકસભા ચૂંટણીમાં સત્તારૂઢ ગઠબંધનને બહુમત મળ્યાના એક દિવસ બાદ થઈ હતી. લોકસભાના આ પરિણામથી વડાપ્રધાન નરેન્દ્ર મોદી માટે ત્રીજા કાર્યકાળનો માર્ગ મોકળો થયો છે.
