Gujarat budget: આજે નાણામંત્રી કનુભાઈ દેસાઈ રજૂ કરશે ગુજરાતનું બજેટ, કૃષિ, શિક્ષણ, આરોગ્ય ક્ષેત્ર પર મુકાશે ભાર
Gujarat budget ગુજરાત વિધાનસભામાં બજેટ સત્રનો પ્રારંભ થઈ ચૂક્યો છે. આજે નાણામંત્રી કનુભાઈ દેસાઈ વિધાનસભામાં ગુજરાત સરકારનું સામાન્ય બજેટ રજૂ કરશે. આ નાણામંત્રીનું ચોથી વખતનું બજેટ હશે. બજેટમાં કૃષિ, શિક્ષણ, આરોગ્ય અને સિંચાઈની બાબતો પર ખાસ ધ્યાન આપવામાં આવશે. ગુજરાત વિધાનસભામાં બજેટ સત્રનો આરંભ ગઇકાલે રાજ્યપાલ આચાર્ય દેવવ્રતના સંબોધનથી થયો હતો, જેમણે 37 મિનિટના ભાષણમાં રાજ્યના વિકાસના અનેક પાસાઓ પર પ્રકાશ પાડ્યો હતો.
Gujarat budget આ બજેટ સત્ર દરમ્યાન કોંગ્રેસ વિવિધ મુદ્દાઓ પર રાજ્ય સરકારને ઘેરવા પ્રયત્ન કરી શકે છે, જેમાં જમીનના કૌભાંડો, આરોગ્ય સેવાના ખ્યાતિકાંડ અને ભરતીમાં અનિયમિતતા-ગેરરીતિનો સામેલ હોઈ શકે છે. સામાન્ય બજેટ પર ગૃહમાં 4 દિવસ ચર્ચા કરવામાં આવશે. નોંધનીય છે કે ગુજરાત સરકારનું આ વર્ષે_budget 3.72 લાખ કરોડ રૂપિયા જેટલું હોવાનો અંદાજ છે. સત્રના પહેલા દિવસે બે મહત્વપૂર્ણ બિલ રજૂ કરવામાં આવશે. પ્રથમ બિલ ગુજરાત ક્લિનિકલ એસ્ટાબ્લિશમેન્ટ (નોંધણી અને નિયમન) (સુધારા) બિલ 2025 છે. બીજું બિલ ગુજરાત સ્ટેટ ફિઝીયોથેરાપી કાઉન્સિલ (રદ) બિલ 2025 છે.
Gujarat budget બજેટ સત્રના પ્રથમ દિવસે ગુજરાત વિધાનસભા બહાર કૉંગ્રેસના ધારાસભ્યોએ વિરોધ પ્રદર્શન કર્યું હતું. ભારતીયોના ડિપોર્ટેશન મુદ્દે કૉંગ્રેસના ધારાસભ્યોએ ગળામાં પોસ્ટર અને હાથમાં હાથકડી પહેરી દેખાવો કર્યા હતા. કૉંગ્રેસે મોદી અને ટ્રમ્પની મિત્રતા પર પણ સવાલો ઉઠાવ્યા અને આરોપ મૂક્યો કે, હાથેકડી અને જંજીર પહેરાવી અમેરિકાએ ભારતીયોને અપમાનિત કરવાનું કામ કર્યું.
તે સિવાય, વિરમગામમાં ડાંગર ખરીદી કૌભાંડ મુદ્દે ખેડૂતોએ ઉગ્ર વિરોધ પ્રદર્શન કર્યું હતું. ડાંગર ખરીદી પછી ચૂકવણીથી વંચિત રહેલા ખેડૂતોએ વિધાનસભા ખાતે પહોંચી ઉગ્ર વિરોધ દર્શાવ્યા હતા. ખેડૂતોએ ભાજપના ધારાસભ્ય પર ગંભીર આરોપ પણ લગાવ્યા હતા.
