Gujarat News : NA વિના જમીન અંગે ગુજરાત સરકારનો મહત્વનો નિર્ણય, લાખો પરિવારોને મળશે ફાયદો
Gujarat News : ગુજરાત સરકાર દ્વારા ગુજરાત જમીન મહેસૂલ (સુધારા) બિલ, 2025 વિધાનસભામાં પાસ કરવામાં આવ્યું છે. આ બિલથી રાજ્યના લાખો પરિવારોને સીધો લાભ મળશે. આ સુધારાનો મુખ્ય ઉદ્દેશ્ય લોકોને તેમની મિલકત પર કાયદેસર અધિકાર આપવાનો અને તેમની જમીન સંબંધિત સમસ્યાઓ દૂર કરવાનો છે.
આ બિલ હેઠળ, જે જમીનના માલિકો પાસે NA (Non-Agricultural) પરવાનગી નથી, તેઓને હવે સરકારી દસ્તાવેજો મેળવીને મકાનને કાયદેસર બનાવી શકાશે. સરકાર માનીએ છે કે આ સુધારા બાદ જમીન સંબંધિત કાનૂની મુશ્કેલીઓ, ન્યાયલયી કેસો અને વહીવટી પ્રક્રિયાઓ સરળ બનશે.
આ બિલથી કોને ફાયદો થશે?
તેવા મકાનમાલિકો કે જેમણે NA વગર જમીન પર બાંધકામ કર્યું છે.
તેમણે પરવાનગી વગર મકાન બાંધ્યું અને હવે દંડ કે પ્રીમિયમ ચુકવીને કાયદેસર દસ્તાવેજ મેળવી શકશે.
તેવા લોકો જેમણે ભૂલથી જમીન ખરીદી અને પરવાનગી માટે અંજાણમાં કાયદાનું ઉલ્લંઘન કર્યું.
સરકારી જમીન અને ગૌચર જમીન પરની સ્થિતિ શું?
ગુજરાત વિધાનસભામાં, કોંગ્રેસના નેતાઓ અમિત ચાવડા અને શૈલેષ પરમાર દ્વારા સરકારી અને ગૌચર જમીન પરના બાંધકામોને પણ નિયમિત કરવામાં આવશે કે કેમ? તે અંગે પ્રશ્ન ઉઠાવવામાં આવ્યો હતો.
સરકાર તરફથી સ્પષ્ટતા આપવામાં આવી કે સરકારી જમીન પર ગેરકાયદેસર બાંધકામ કરનારા બિલ્ડરો કે વ્યક્તિઓ માટે આ બિલ કોઈ લાભ આપતું નથી. આ સુધારા માત્ર વ્યક્તિગત મકાનમાલિકો અને નાના માલિકો માટે છે, જેઓ ભુલવશ કે અજાણતાં કાયદાની વિરુદ્ધ ગયા હતા.
NA વિના જમીન અંગેના આ નિર્ણયથી ગુજરાતના 30 લાખથી વધુ પરિવારોને ફાયદો થશે, અને મકાન દસ્તાવેજી રીતે કાયદેસર બની શકશે.
