Gujarat 458 ગેરકાયદેસર ધાર્મિક બાંધકામોને નોટિસ ફટકારવામાં આવી: ગુજરાત સરકારે હાઈકોર્ટને જણાવ્યું
Gujarat ગુજરાત સરકારે મંગળવારે હાઈકોર્ટને જણાવ્યું હતું કે સુપ્રીમ કોર્ટના નિર્દેશોનું પાલન કરીને જાહેર સ્થળોએ સ્થિત અનધિકૃત 458 ધાર્મિક બાંધકામોને નોટિસ ફટકારી છે.
Gujarat મુખ્ય ન્યાયાધીશ સુનિતા અગ્રવાલની ડિવિઝન બેન્ચે એક આદેશમાં જણાવ્યું હતું કે રાજ્ય સરકારે માર્ગદર્શિકા લાગુ કરવા માટે અસરકારક પગલાં લીધાં છે અને જાહેર રસ્તાઓ, જાહેર ઉદ્યાનો અને અન્ય જાહેર સ્થળોએ 458 અનધિકૃત ધાર્મિક બાંધકામો નોટિસ ફટકારી છે.
સરકારે હાઈકોર્ટને જણાવ્યું હતું કે જાહેર સ્થળોએથી અનધિકૃત ધાર્મિક બાંધકામો દૂર કરવા માટે લોકોમાં જાગૃતિ લાવવા અને સ્થાનિક ધાર્મિક વડાઓને સંવેદનશીલ બનાવવા માટે સ્થાનિક અખબારોમાં 2,607 નોટિસ પ્રકાશિત કરવામાં આવી હતી.
૨૦૦૬માં, જાહેર સ્થળો પર કથિત અતિક્રમણ કરનારા ધાર્મિક બાંધકામોને દૂર કરવા માટે વડોદરા મ્યુનિસિપલ કોર્પોરેશન દ્વારા હાથ ધરવામાં આવેલા ડિમોલિશન અભિયાનની હાઈકોર્ટે સ્વતઃ નોંધ લીધી હતી.
