Govind Dholakia : ગોવિંદ ધોળકિયાની રત્નકલાકારોને અપીલ: “એક ટાઈમ ખાવું ચાલે, પણ વ્યાજ પર રૂપિયા ન લેવા”
Govind Dholakia : સુરતના હીરા ઉદ્યોગમાં મંદીના કારણે હાલના સમયમાં અનેક રત્નકલાકારો આત્મહત્યા જેવી ચિંતાજનક સ્થિતિ સુધી પહોંચી ચૂક્યા છે. આ સંદર્ભમાં શ્રી રામ કૃષ્ણ એક્સપોર્ટ્સ (SRK) ના સ્થાપક ગોવિંદ ધોળકિયાએ એક ભાવુક અપીલ કરતા કહ્યું કે, “ત્રણ ટાઈમ નહીં ખાઈ શકાય તો પણ એક ટાઈમ ચાલશે, પણ ક્યારેય વ્યાજ પર પૈસા ન લેવા.”
વ્યાજના દળદંડથી બચવાનું સંદેશ
SRK ના પરિવારોત્સવમાં હાજરી આપતા ગોવિંદભાઈએ સ્પષ્ટ રીતે જણાવ્યું કે, અત્યંત મુશ્કેલીઓમાં પણ વ્યાજ પર રૂપિયા લેનાર લોકોને સૌથી વધુ નુકસાન થાય છે. આર્થિક તંગીમાંથી બહાર આવવા માટે લોકોને વ્યાજખોર પાસેથી લીધેલા નાણાં તેમનો જીવ ઝંખી લે છે. “અત્યારે જે આપઘાતના બનાવો થઈ રહ્યા છે, તેમાં પચાસ ટકા કિસ્સાઓમાં લોકો વ્યાજના રૂપિયાને કારણે તણાઈ રહ્યા છે,” એમ તેમણે ઉમેર્યું.
આર્થિક સંકટ વચ્ચે પોઝિટિવ સંદેશ
ગોવિંદભાઈએ કાઠીયાવાડની એક કહેવતનો ઉલ્લેખ કરતાં કહ્યું કે, “જેટલી સોફાલ હોય તેટલી ન હોડ કરવી.” અર્થાત્, પોતાની ક્ષમતા પ્રમાણે ખર્ચ કરવો જોઈએ અને મર્યાદામાં જીવી લેવું જોઈએ.
SRK પરિવારોત્સવ:
સંયુક્ત કુટુંબના મૂલ્યોની ઉજવણી આ કાર્યક્રમમાં કેન્દ્રીય મંત્રી મનસુખ માંડવીયા અને જાણીતી મોટિવેશનલ સ્પીકર જયા કિશોરી પણ ઉપસ્થિત રહ્યા હતા. આ કાર્યક્રમનો ઉદ્દેશ પરિવાર પ્રત્યે થતી ભાવનાને ફરીથી જીવંત બનાવવાનો હતો. મનસુખ માંડવીયાએ કોરોનાકાળના પ્રસંગોને યાદ કરતા ભારતની સેવા ભાવનાનું ઉદાહરણ આપ્યું.
મંદી દરમિયાન 62 આત્મહત્યા:
ચિંતા જનક આંકડા અગાઉ પણ સુરતમાં થયેલા એક સોસિયલ રિપોર્ટમાં જણાવવામાં આવ્યું હતું કે, છેલ્લા 15 મહિનામાં હીરા ઉદ્યોગ સાથે સંકળાયેલા કુલ 62 રત્નકલાકારોએ આત્મહત્યા કરી હતી. આર્થિક દબાણ અને વ્યાજના કારણે આવી ગંભીર ઘટનાઓ ઘટી રહી છે.
મનસુખ માંડવીયાનો સંદેશ:
સેવા અને કરૂણા ભારતની ઓળખ કાર્યક્રમ દરમિયાન કેન્દ્રીય મંત્રીએ જણાવ્યું કે કોરોનાના સમયમાં ભારતે 150થી વધુ દેશોને દવા મોકલી અને એક પણ રૂપિયાનો ભાવ વધારો કર્યા વિના સેવા આપી હતી. વડાપ્રધાન મોદીએ એવા સમયમાં પણ લોકો માટે સેવા અને પરોપકારને મહત્વ આપ્યું.
