Ganesh Gondal Vs Alpesh Kathiriya : ગોંડલના રાજકારણમાં ઘમાસાણ : જયરાજસિંહ જાડેજાનો કથીરિયાને પડકાર, ગણેશ ગોંડલનો જાહેર મંચ પર પ્રતિસાદ
Ganesh Gondal Vs Alpesh Kathiriya : ગુજરાતના ગોંડલ શહેરમાં રાજકીય ગરમાવો તીવ્ર બન્યો છે. ગોંડલના રાજકારણમાં પાટીદાર અને ક્ષત્રિય સમુદાય વચ્ચેના વિવાદે નવો વિવાદ ઉભો કરી દીધો છે. જેને કારણે શહેરમાં રાજકીય તાપમાન વધ્યું છે અને સમગ્ર વિસ્તારનો માહોલ ગરમાયો છે.
જયરાજસિંહ જાડેજાનો પ્રહાર : “અણવર નહીં, વરરાજા બનીને આવો”
ગોંડલના પૂર્વ ધારાસભ્ય જયરાજસિંહ જાડેજાએ ખુદ મોરચો સંભાળતા અલ્પેશ કથીરિયા અને તેમની ટીમ પર કટાક્ષ કર્યો. તેમણે જણાવ્યું કે ગોંડલને ખોટી રીતે બદનામ કરવાનો પ્રયત્ન થઈ રહ્યો છે. “જે લોકો અહીં નિવાસ કરતા નથી, તેઓ આવીને ગોંડલના નામે વિરોધ કરી રહ્યા છે,” એમ તેમણે જણાવ્યું.
જાડેજાએ વધુમાં કહ્યું, “ગોંડલના લોકો અમારા પરિવાર સાથે છે. જે લોકો ગોંડલ છોડીને ગયા છે તેઓ હવે દૂરથી ગોંડલમાં ડરનો માહોલ હોવાનો આક્ષેપ કરે છે. પરંતુ ગોંડલના લોકોએ મોતો સંકેત આપી દીધો છે. હવે આવનારી નગરપાલિકા, માર્કેટ યાર્ડ, તાલુકા પંચાયત અને જિલ્લા પંચાયતની ચૂંટણીઓમાં વરરાજા બનીને મેદાનમાં આવવું પડશે, અણવર બનીને નહીં.”
ગણેશ ગોંડલનો જવાબ : “ડર કે બંદૂકની અણીએ લોકસભા નહીં થાય”
અલ્પેશ કથીરિયાની ગોંડલમાં એન્ટ્રી દરમિયાન થયેલા વિરોધનો જવાબ આપતા ગણેશ ગોંડલે જણાવ્યું કે, “ગોંડલમાં કોઈ ડરનો માહોલ નથી. મારા ઘરની બહાર 3000 લોકોનું સ્વયંભૂ મેદાનભર્યું છે. કોઈ બંદૂક કે ડરથી લોકો ભેગા થયા નથી, પરંતુ વિશ્વાસ અને સમર્થનથી ભરેલા છે.”
તેમણે સ્પષ્ટ કર્યું કે ગોંડલના લોકો સામાજિક સમરસતા અને શાંતિમાં વિશ્વાસ રાખે છે અને તેઓ કોઈ જાતિવાદી રાજનીતિને સહન કરવા તૈયાર નથી.
ગોંડલ મિર્ઝાપુર છે? : અલ્પેશ કથીરિયાની ટિપ્પણી
ગોંડલમાં પહોંચતાં જ અલ્પેશ કથીરિયાને કાળા વાવટા અને નારેબાજીનો સામનો કરવો પડ્યો હતો. તેમની ગાડી પર પથ્થરમારો થયો અને વાહનના કાચ તૂટી ગયા. એ ઘટનાના જવાબમાં અલ્પેશે જણાવ્યું કે, “ગોંડલ મિર્ઝાપુર છે તે સાબિત થઈ ગયું છે. અમારી ગાડી પર હુમલો કરાયો છે, છતાં અમે ભયભીત નથી. હવે અમે મુખ્યમંત્રી સાથે પણ આ મુદ્દે ચર્ચા કરીશું.”
અલ્પેશે ગુસ્સે ભરાયેલા સૂરમાં કહ્યું કે કોઈ પણ રાજકીય કાર્યકર લોકોને દબાવીને શાસન કરવાનો પ્રયાસ ન કરે.
જુસ્સો અને વિરોધ વચ્ચે પોલીસની ભૂમિકા પર સવાલ
અલ્પેશ કથીરિયાની ગાડી પર હુમલાના સમયે પોલીસ મોટાભાગે મુકદર્શક બની રહી હતી. ટોળાએ ગાડીઓ તોડી નાંખી ત્યારે પણ કોઈ તાત્કાલિક કાર્યવાહી ન થવી અનેક સવાલો ઊભા કરે છે કે, “કેમ પોલીસ તાત્કાલિક પગલાં નથી ભરતી?”
આ ઘટના બાદ ગોંડલમાં કાયદો વ્યવસ્થાનો મુદ્દો ફરીથી ચર્ચાનો કેન્દ્ર બની ગયો છે.
રાજકીય આગેવાનોના મંડાણ
જયરાજસિંહ જાડેજાના નિવાસસ્થાને શહેરના વિવિધ સમાજોના આગેવાનો એકત્ર થયા હતા. પાટીદાર અને અન્ય સમાજોના પ્રતિનિધિઓ ઉપરાંત ભાજપના નેતાઓ અને સહકારી સંગઠનના મહત્ત્વના આગેવાનો પણ હાજર રહ્યા હતા.
આમ, ગોંડલમાં આજકાલ રાજકીય તાપમાન સતત વધી રહ્યું છે અને આગામી સ્થાનિક સ્વરાજની ચૂંટણીઓ આ રણમથાનને વધુ ઉગ્ર બનાવે તેવો સંકેત મળી રહ્યો છે.
