Gandhinagar: ગાંધીનગરમાં પ્રથમવાર ભવ્ય ફ્લાવર શો યોજાશે: મહાનગરપાલિકા તરફથી રંગબેરંગી ફૂલોનો જલસો
Gandhinagar: ગાંધીનગરમાં પ્રથમ ફ્લાવર શોની ઉજવણી
રંગબેરંગી ફૂલોથી શહેરને નવી ઓળખ આપવાનો પ્રયાસ
સૂર્યજ્યોત તળાવ ખાતે રંગબેરંગી ફૂલોના અનોખા નિદર્શન માટેની તૈયારીઓ શરૂ
ગાંધીનગર, શનિવાર
આમ તો દર વર્ષે અમદાવાદ મ્યુનિસિપલ કોર્પોરેશન દ્વારા રિવરફ્રન્ટ પર યોજાતો ફ્લાવર શો લોકોમાં ભારે લોકપ્રિય છે, પણ આ વર્ષે ગાંધીનગરના લોકો માટે ખાસ ખુશીના સમાચાર છે. ગાંધીનગર મહાનગરપાલિકા દ્વારા પ્રથમવાર ફ્લાવર શોનું આયોજન કરવામાં આવશે, જે શહેરને નવી ઓળખ આપવાનો પ્રયાસ ગણાશે.
હરીયાળા શહેરના સેક્ટર-1 ખાતે આવેલા સૂર્યજ્યોત તળાવના 16,000 ચોરસ મીટર વિસ્તારમાં આ ભવ્ય શો યોજાનાર છે. 20 ડિસેમ્બરથી 5 જાન્યુઆરી સુધી ચાલનારા આ શોમાં દેશ-વિદેશની વિશિષ્ટ ફૂલપ્રજાતિઓનું પ્રદર્શન થશે. ફ્લાવર શોની મહત્ત્વપૂર્ણ તૈયારી માટે ખાનગી એજન્સીની મદદ લેવામાં આવી રહી છે, જેમાં ફુલોના નિર્માણ, જાળવણી અને સાહિત્યિક કાર્યક્રમો સામેલ થશે.
મહાનગરપાલિકા માટે આ પ્રથમ શો હશે,
જે અમદાવાદના પ્રસિદ્ધ ફ્લાવર શોની સમકક્ષ ભવ્ય ન હોઈ શકે પરંતુ શ્રેષ્ઠ આયોજન માટે પ્રયત્નશીલ છે. ટૂંક સમયમાં શો માટે એજન્સી ફાઇનલ કરીને સત્તાવાર જાહેરાત કરવામાં આવશે. ફ્લાવર શો માટે લોકો માટે સામાન્ય ટિકિટ દર રાખવામાં આવશે, જેથી વધુમાં વધુ લોકો રંગબેરંગી ફુલોના આકર્ષક નિદર્શનનો આનંદ માણી શકે.
