Ahmedabad apartment fire : ઈન્દિરા બ્રિજ પાસે આગની ઘટના: આત્રેય ઓર્ચિડમાં ભયજનક દૃશ્યો, કેટલાક લોકો હજુ ફસાયા હોવાની ભીતિ
Ahmedabad apartment fire : અમદાવાદના ઈન્દિરા બ્રિજ પાસે આવેલા શાંતિમય રહેણાંક વિસ્તારમાં અચાનક ગરમાવો આવી ગયો, જ્યારે આત્રેય ઓર્ચિડ નામની એક રહેણાંક સોસાયટીના ચોથા માળે આવેલ એક ફ્લેટમાં ભયાનક આગ ફાટી નીકળી. સાંજના સમયે આ બનાવે આસપાસના વિસ્તારોમાં દહેશત ફેલાવી દીધી.
એસીમાંથી શરુ થયેલી આગ, આખા ફ્લેટને લપેટી ગઈ
પ્રાથમિક માહિતી મુજબ, આગ એક એર કન્ડીશનર (AC)માંથી શરુ થઈ હોવાનું માનવામાં આવી રહ્યું છે. પણ ગણતરીની મિનિટોમાં ભયાનક વિકરાળ સ્વરૂપ ધારણ કરશે એવું કોઈ કલ્પી પણ નહોતું શકે. આખો ફ્લેટ આગની ઝપેટમાં આવી ગયો અને ધૂઆં બહાર આવતાં જ સ્થાનિક રહીશો ગભરાઈ ગયા.
10 ફાયર ફાઈટિંગ વાન અને 5 એમ્બ્યુલન્સ ઘટના સ્થળે
આ બનાવની તરત જ જાણ થતાં ફાયર બ્રિગેડની 10 ગાડીઓ અને તાત્કાલિક સેવા આપવા માટે 5 108 એમ્બ્યુલન્સ ઘટનાસ્થળે પહોંચી ગઈ. પળોની સાથે રેસ્ક્યૂ કામગીરી શરૂ થઈ. આગ એટલી ઝડપથી ફેલાઈ હતી કે પાંચમા માળ સુધી આગની જ્વાળા ફેલાઈ ગઈ…. જીવ બચાવવા માટે લોકો પોતાનાં ઘરના બાલ્કનીમાં આવી ગયા હતા.
ઝૂલા (લિફ્ટિંગ પ્લેટફોર્મ)ની મદદથી જીવ બચાવ્યો
આપત્તિકાળમાં માનવતા અને ટીમ વર્ક કેટલી મહત્વની હોય છે. કેટલાક રહીશો જે ફ્લેટમાં ફસાઈ ગયા હતા, તેમને ખાસ લિફ્ટિંગ પ્લેટફોર્મ (ઝૂલા)ની મદદથી બહાર કાઢવામાં આવ્યા. દરેક જીવને સલામત બહાર લાવવાનો પ્રયાસ થયો.
પાંચ લોકોને હોસ્પિટલ ખસેડાયા
ઇજાગ્રસ્તને નજીકની હોસ્પિટલમાં ખસેડવામાં આવ્યા છે. વધુ કેટલાય લોકો અંદર ફસાયેલા હોવાની શંકા થતા ફાયરફાઈટર્સ એક પછી એક ફ્લેટ ચેક કરી રહ્યા છે. દરેક ઘરમાં તપાસ ચાલી રહી છે કે કોઈ બાળક, વૃદ્ધ કે બીમાર વ્યક્તિ અંદર તો નથી…
ટ્રાફિક જામ પણ થયો, લોકોએ અનુભવ્યો ભયનો અનુભવ
આ દુર્ઘટનાની અસર ફક્ત બિલ્ડિંગ સુધી સીમિત રહી નહી. ઇન્દિરા બ્રિજ સર્કલ પાસે લગભગ દોઢ કિલોમીટર સુધી ટ્રાફિકજામ સર્જાયો. લોકોના વાહનો ધીમા પડી ગયાં, લોકોના ટોળેટોળા ઉમટી પડયા હતા. અને લોકો ઘટના જોતા રહ્યા, અને સુરક્ષા કર્મચારીઓ લોકોને હટાવતા રહ્યા.
