ચીની પુનઃશિક્ષણ શિબિરોનો અનુભવ કરનાર બે મહિલાઓએ યુએસ કોંગ્રેસના સભ્યો સમક્ષ જુબાની આપી છે. આવું પહેલીવાર જોવા મળી રહ્યું છે. અહેવાલ અનુસાર યુએસ કોંગ્રેસની સ્પેશિયલ હાઉસ કમિટી સમક્ષ જુબાની આપતાં બે મહિલાઓએ ચીની સરકારના કાળા કૃત્યોનો પર્દાફાશ કર્યો અને કહ્યું કે તેઓ ત્રણ વર્ષથી ડિટેન્શન કેમ્પ અને પોલીસ સ્ટેશનમાં બંધ છે. આ દરમિયાન કેદીઓને દરરોજ 11 કલાક બ્રેઈનવોશની તાલીમ આપવામાં આવી હતી. ઉઇગુર મહિલા ગુલબહાર હતિવાજીએ ધ્યાન દોર્યું કે ચીની અટકાયત શિબિરો અને પોલીસ સ્ટેશનોમાં કેદ હોય ત્યારે ભોજન પહેલાં અને પછી ચીની સરકારના વખાણ કરવા, દેશભક્તિના ગીતો ગાવા ફરજિયાત છે.
અધિકારીઓએ સાંકળોથી બાંધીને રાખ્યા
તેમણે કહ્યું કે ઉઇગુર ભાષામાં બોલવા માટે પણ સજા આપવામાં આવે છે. આ સાથે, તેમને હંમેશા પૂછપરછનો સામનો કરવો પડે છે, આ દરમિયાન તેમને હૂડ લગાવીને ખુરશીઓ સાથે બાંધી દેવામાં આવતા હતા. ઉઇગુર મુસ્લિમ મહિલાએ જણાવ્યું કે એકવાર તો તેને 20 દિવસ સુધી પથારીમાં સાંકળથી બાંધીને રાખવામાં આવી હતી. કેમ્પમાં મહિલા કેદીઓની નસબંધી પણ કરવામાં આવી રહી હતી. હતિવાજીએ જણાવ્યું કે તેઓને આ માટે રસી આપવામાં આવતી અને સમગ્ર કેમ્પમાં કેમેરા લગાવવામાં આવ્યા છે.
ચીની અધિકારીઓની ચેતવણી
નેધરલેન્ડમાં રહેતા માનવાધિકાર કાર્યકર્તા કેલ્બીનુર સિદિકે જણાવ્યું કે એક યા બીજી રીતે, ચીની અધિકારીઓ અટકાયત કેમ્પ અને શિક્ષણ વર્ગોમાં જબરદસ્તી કરે છે. સિદિકના પરિવાર અને ફ્રેન્ચ સરકારના પ્રયાસોને કારણે 2019માં તેને મુક્ત કરવામાં આવી હતી. આ દરમિયાન તે ખૂબ જ નબળી પડી ગઈ હતી. આ કારણોસર, તેને ચીની અધિકારીઓ દ્વારા ખાવાનું ખાવાને લઈને જબરદસ્તી કરવામાં આવી હતી જેથી તે બહાર જઈને કુપોષિત ન દેખાય. તે જ સમયે, ફ્રાન્સ જતા પહેલા, તેને ચેતવણી આપવામાં આવી હતી કે જો તેણે કેમ્પ વિશે કોઈને પણ કંઈપણ કહ્યું તો તેના પરિવાર અને પરિજનો વિરુદ્ધ કાર્યવાહી કરવામાં આવશે.
