ગાંધીનગરના વાવોલ ગામમાં આવેલા એક ફલેટના પાર્કિંગમાં આજે વહેલી સવારે આગ ફાટી નીકળતા ચાર વર્ષના એક બાળક સહિત બે લોકોનાં મોત નીપજ્યા હતા. પાર્કિંગમાં શોર્ટસર્કિટના કારણે ધૂમાડો ફલેટમાં ઉપરના માળે ફેલાતા ગુંગળાઇ જવાના કારણે બંનેનાં મોત નીપજ્યા હતા.સેકટર-૭ પોલીસે આ અંગે અકસ્માતે મોત નોંધી તપાસ હાથ ધરી છે. પ્રાથમીક તારણમાં શોર્ટ સર્કિટના કારણે અાગ લાગી હોવાનું માનવામાં અાવ્યું છે.
આ ઘટનાની જાણ ફાયરબ્રિગેડને થતા કાફલો ઘટનાસ્થળે દોડી ગયો હતો. ફાયરબ્રિગેડના જવાનોએ આગ બુઝાવી ૧પ જેટલા વ્યક્તિઓને સહીસલામત ફલેટમાંથી બહાર કાઢ્યા હતા. આ ઘટનામાં અન્ય પાંચ વ્યક્તિઓ પણ દાઝી જતા સારવાર માટે અમદાવાદ સિવિલ હોસ્પિટલમાં ખસેડાયા હતા.ગાંધીનગર સિવિિલ હોસ્પિટલમાં બર્ન્સ વોર્ડ અને ડોકટરોની સુવિધા ન હોવાથી તેઓને અમદાવાદ ખસેડવાની ફરજ પડી હતી.