CMના શપથગ્રહણ સમારોહ પહેલા મોદીનો એરપોર્ટથી સચિવાલય સુધી રોડ-શો યોજાયો

ગુજરાતમાં ફરી એકવાર બહુમતી સાથે ભારતીય જનતા પક્ષની સરકાર બનશે વિજય રૂપાણી, નીતિન પટેલ સહિત તમામ મંત્રીમંડળના આજે શપથ વિધિ યોજાશે.વિજય રૂપાણી CM તરીકે બીજી વખત શપથ લેશે.રાજ્યમાં ભાજપની સતત છઠ્ઠી વખત સરકાર બનશે, આ અવસરે ભારતીય જનતા પાર્ટીએ પોતાની પૂર્ણ શક્તિ દર્શાવવાની તૈયારી કરી લીધી છે. વડા પ્રધાન નરેન્દ્ર મોદી અને અમિત શાહ સહિત ભાજપ શાસિત રાજ્યના તમામ મુખ્યમંત્રી શપથગ્રહણ સમારોહમાં હાજર રહેશે.
શપથગ્રહણ સમારોહમાં ભાગ લેવા ઘણા સાધુ-સંતો અાવી પહોંચ્યા છે, તમામ માટે અલગથી મંચ બનાવવામાં અાવ્યો છે.પ્રધાનમંત્રી નરેન્દ્ર મોદી 10 વાગ્યે ગાંધીનગર એરપોર્ટ પહોંચ્યા હતા.અમિત શાહ, વિજય રૂપાણીએ અહીં તેમનું ભવ્ય સ્વાગત કર્યું. મોદીએ એરપોર્ટથી સચિવાલય સુધી રોડ શો કર્યો.આ દરમિયાન સમગ્ર રસ્તા પર અનેક રંગારંગ કાર્યક્રમો યોજાયા.