Yami Gautam-Aditya Dhar Baby: અભિનેત્રી યામી ગૌતમ અને તેના ફિલ્મ નિર્માતા-પતિ આદિત્ય ધરે તેમના પ્રથમ બાળકનું સ્વાગત કર્યું છે. 20 મેના રોજ, દંપતીએ ઇન્સ્ટાગ્રામ પર પ્રેમથી ભરેલી નોંધ શેર કરીને બાળકના આગમનની જાહેરાત કરી અને એ પણ જાહેર કર્યું કે તેઓએ તેનું નામ વેદવિડ રાખ્યું છે. તમને જણાવી દઈએ કે, યામી અને આદિત્યના લગ્ન વર્ષ 2021માં થયા હતા. દંપતીએ એક ઇન્સ્ટાગ્રામ નોટમાં લખ્યું છે કે, અમે સૂર્યા હોસ્પિટલના ડૉ. ભૂપેન્દ્ર અવસ્થી અને ડૉ. રંજના ધનુનો હૃદયપૂર્વક આભાર વ્યક્ત કરીએ છીએ, જેમની કુશળતા અને અથાક પ્રયત્નોથી આ ખુશીનો પ્રસંગ શક્ય બન્યો છે.
આયુષ્માન ખુરાના, મૃણાલ ઠાકુર અને નેહા ધૂપિયા સહિત બોલિવૂડની ઘણી હસ્તીઓએ કોમેન્ટ બોક્સમાં કપલને અભિનંદન પાઠવ્યા હતા. આ દરમિયાન યામીએ તેની છેલ્લી ફિલ્મ ‘આર્ટિકલ 370’ના ટ્રેલર લોન્ચ દરમિયાન તેની પ્રેગ્નન્સીની જાહેરાત કરી હતી. બે વર્ષથી વધુ સમય સુધી એકબીજાને ડેટ કર્યા બાદ જૂન 2021માં બંનેએ લગ્ન કર્યાં.
