બોલિવૂડ અભિનેત્રી દીપિકા પાદુકોણથી લઈને આલિયા ભટ્ટ અને કિયારા અડવાણીએ સૌથી લોકપ્રિય મહિલા સ્ટાર્સની યાદીમાં પોતાનું સ્થાન બનાવ્યું છે. ઓરમેક્સ મીડિયા દ્વારા જાહેર કરવામાં આવેલી આ યાદીમાં ‘આદિપુરુષ’, ‘ગણપત’ અને ‘શહેજાદા’ જેવી ફિલ્મોનો ભાગ રહી ચૂકેલી અભિનેત્રી કૃતિ સેનનને 5મું સ્થાન મળ્યું છે. કૃતિ સેનને અનુષ્કા શર્મા, શ્રદ્ધા કપૂર અને કરીના કપૂર ખાન જેવા સ્ટાર્સને હરાવીને આ સ્થાન હાંસલ કર્યું છે.
કિયારા અડવાણી ચોથા નંબર પર રહી હતી
અભિનેત્રી કિયારા અડવાણીએ ટોપ 5 સૌથી લોકપ્રિય મહિલા સ્ટાર્સની યાદીમાં ચોથું સ્થાન મેળવ્યું છે. હાલમાં જ ‘સત્યપ્રેમ કી કથા’ જેવી બ્લોકબસ્ટર હિટ ફિલ્મો આપનાર કિયારા અડવાણી વર્ષ 2024માં ‘વોર-2’માં જોવા મળશે. આ ફિલ્મને લઈને અત્યાર સુધી ઘણી ચર્ચા ચાલી રહી છે.
કયા સ્ટારને ત્રીજું સ્થાન મળ્યું છે
બોલિવૂડની ટોપ 5 અભિનેત્રીઓની યાદીમાં કેટરિના કૈફ ત્રીજા સ્થાને છે. તાજેતરમાં જ સલમાન ખાન સાથે ‘ટાઈગર-3’ જેવી બ્લોકબસ્ટર હિટ ફિલ્મ આપનાર કેટરિના કૈફ ટૂંક સમયમાં જ વિજય સેતુપતિ સાથે ફિલ્મ ‘મેરી ક્રિસમસ’માં જોવા મળશે.
સૌથી લોકપ્રિય મહિલા સ્ટાર કોણ બની?
પ્રથમ સ્થાન માટે દીપિકા પાદુકોણ અને આલિયા ભટ્ટ વચ્ચે જોરદાર લડાઈ થઈ હતી, પરંતુ અંતે આલિયા ભટ્ટ જીતી ગઈ અને નવેમ્બર મહિનાના ડેટા અનુસાર, તે બોલીવુડની સૌથી પ્રખ્યાત અને લોકપ્રિય અભિનેત્રી છે. જ્યારે ટોપ 5ની યાદીમાં દીપિકા પાદુકોણ બીજા સ્થાને છે.
