મુંબઈ: ટાઇગર શ્રોફ અને કૃતિ સેનન સ્ટારર પૂજા એન્ટરટેઇનમેન્ટની ફિલ્મ ‘ગણપત’ 23 ડિસેમ્બર, 2022 ના રોજ રિલીઝ થવા જઈ રહી છે. પ્રોડક્શન હાઉસે આ અંગે માહિતી આપી છે. આ ફિલ્મનું નિર્દેશન વિકાસ બહલે કર્યું છે.
ગયા મહિને ટાઇગર શ્રોફે ચાહકો સાથે ‘ગણપત’નું ટીઝર શેર કર્યું હતું. આ ટીઝરમાં ટાઇગર ગુસ્સામાં જોવા મળી રહ્યો છે. વીડિયોમાં તે પોતાના હાથમાં બોક્સિંગ હેન્ડ રેપ લપેટીને જોઈ શકાય છે. ઇન્સ્ટાગ્રામ પર ટીઝર શેર કરતી વખતે, ટાઇગરે કહ્યું હતું કે ‘ગણપત’ 23 ડિસેમ્બર 2022 ના રોજ રિલીઝ થશે. પોસ્ટ શેર કરતી વખતે, તેણે લખ્યું, “જો ઉસકી હટેગી તો સબકી ફ્ટેગી, આરીલા હૈ ગણપત, તૈયાર રહો!” આ ફિલ્મ ફિલ્મ 2 ભાગમાં રજૂ થશે. ટીઝરમાં તમે જોઈ શકો છો કે ટાઈગરનો લુક પણ ઘણો જબરદસ્ત છે. પ્રિન્ટેડ શર્ટમાં ટાઇગર હાથમાં લાલ કપડું લપેટતો જોવા મળે છે અને તેની સ્ટાઇલ પરથી સ્પષ્ટ થાય છે કે તે કેટલો ગુસ્સે છે.
કૃતિ સેનન મુખ્ય અભિનેત્રીની ભૂમિકા ભજવશે
કૃતિ સેનનને આ ફિલ્મમાં મુખ્ય અભિનેત્રી માટે ફાઇનલ કરવામાં આવી છે. જેમાં તે એક્શન કરતી પણ જોવા મળશે. ટાઇગર અને કૃતિની જોડી અગાઉ હીરોપંતીમાં પણ જોવા મળી છે અને બંનેને પડદા પર પણ ખૂબ પસંદ કરવામાં આવ્યાં હતાં. ફિલ્મમાં તેના પાત્રનું નામ પણ જાહેર કરવામાં આવ્યું છે. તે જસ્સી નામની છોકરીની ભૂમિકા ભજવશે. ટાઇગરની આ બેક ટુ બેક એક્શન ફિલ્મ છે, તે પહેલા તેની બાગી, બાગી 2, બાગી 3, હીરોપંતી, મુન્ના માઇકલ રિલીઝ થઇ હતી જેમાં તેની ધમાકેદાર એક્શન જોવા મળી હતી.