Pushpa 2 ની સફળતા વચ્ચે રશ્મિકાનું “પીલિંગ્સ” સૉન્ગ અંગે મોટો ખુલાસો, અલ્લુ અર્જુન સાથે શૂટિંગમાં નહોતી કન્ફર્ટેબલ
Pushpa 2: ફિલ્મ ‘પુષ્પા 2: દ રુલ’ બોક્સ ઑફિસ પર ધમાકેદાર પ્રદર્શન કરી રહી છે. અલ્લુ અર્જુન અને રશ્મિકા મન્દાના સ્ટારર આ ફિલ્મે ભારતીય બોક્સ ઑફિસ પર 1100 કરોડ અને વર્લ્ડવાઇડ 1700 કરોડ રૂપિયાના આંકને પાર કરી લીધા છે. આ દરમિયાન, રશ્મિકા મન્દાનાએ ફિલ્મના ‘પીલિંગ્સ સૉન્ગ’ વિશે પોતાની અસહજતા વ્યક્ત કરી છે.
પીલિંગ્સ સૉન્ગની શૂટિંગમાં રશ્મિકાનો અનુભવ
આ ગીતમાં પુષ્પા રાજ (અલ્લુ અર્જુન) અને શ્રીવલ્લી (રશ્મિકા મન્દાના)ની રોમેન્ટિક કેમિસ્ટ્રી દર્શાવવામાં આવી છે. જો કે, રશ્મિકાએ તાજેતરમાં આપેલા ઈન્ટરવ્યુમાં જણાવ્યું કે તેઓ ગીતની શૂટિંગ દરમિયાન કન્ફર્ટેબલ નહોતા. રશ્મિકાએ કહ્યું, “ગીત દરમિયાન મને એવું લાગતું હતું કે હું અલ્લુ અર્જુન સર પર ડાન્સ કરી રહી છું. મને લિફ્ટિંગનો ફોબિયા છે, જેના કારણે હું આમાં ખૂબ જ કન્ફર્ટેબલ નહોતી. મને આ વિચારથી પણ ડર લાગતો હતો કે હું આ કેવી રીતે કરીશ?”
કોરીયોગ્રાફી પર થતી આલોચનાને લઈ રશ્મિકાનું નિવેદન
ગીતની કોરીયોગ્રાફી પર થતી આલોચનાઓ અંગે રશ્મિકાએ કહ્યું, “જો હું મારી ભૂમિકાઓ વિશે વધુ વિચારવાનું શરુ કરી દઉં, તો હું મને જાતે ટાઇપકાસ્ટ કરી દઉં. હું અહીં મારી કામગીરી માટે છું, અને મારા ડિરેક્ટર પાસેથી ‘એક્સિલેન્ટ’ શબ્દ સાંભળવો મારા માટે મહત્વનો છે.”
પુષ્પા 2ની સફળતા અને આગામી પાર્ટ
‘પુષ્પા 2: દ રુલ’ 2021માં રિલીઝ થયેલી ‘પુષ્પા: દ રાઇઝ’ નો સિક્વલ છે. આ ફિલ્મમાં અલ્લુ અર્જુન અને રશ્મિકાએ પોતાના પાત્રોને ફરી જીવંત બનાવ્યા છે, જ્યારે ફહદ ફાસિલે ભંવર સિંહ શેખાવતની ભૂમિકા પુનરાવર્તિત કરી છે. ફિલ્મની જબરદસ્ત સફળતા બાદ હવે ‘પુષ્પા 3: દ રેમ્પેજ’ની તૈયારી શરૂ થઈ ગઈ છે.
