‘Pushpa 2’ એ તોડ્યા રેકોર્ડ, વિશ્વભરમાં 1500કરોડની ઐતિહાસિક કમાણી
Pushpa 2 એ બોક્સ ઓફિસ પર શાનદાર સફળતા મેળવીને ઇતિહાસ રચ્યો છે. અલ્લુ અર્જુન અને રશ્મિકા મંદન્ના અભિનીત આ ફિલ્મે માત્ર 15 દિવસમાં વૈશ્વિક બોક્સ ઓફિસ પર 1508 કરોડ રૂપિયાની કમાણી કરી છે.
બોક્સ ઓફિસ પર નવા રેકોર્ડ્સ
5 ડિસેમ્બરે રિલીઝ થયેલી આ ફિલ્મે પહેલા જ દિવસે 288 કરોડ રૂપિયાની વૈશ્વિક કમાણી સાથે પ્રારંભ કર્યો હતો. 15માં દિવસે ફિલ્મે 57.87 કરોડ રૂપિયાનું વલ્ર્ડવાઇડ કલેક્શન કર્યું. ટ્રેડ વિશ્લેષક મનોબાલા વિજયબાલનના અનુસાર, પુષ્પા 2 2024ની પ્રથમ ફિલ્મ બની છે જેે 1500 કરોડનો આંકડો પાર કરી છે.
મોટા રેકોર્ડ્સ પર કબજો
પુષ્પા 2 એ શાહરુખ ખાનની જવાન, શ્રદ્ધા કપૂરની સ્ત્રી 2, અને રણબીર કપૂરની એનિમલ જેવી ફિલ્મોને પાછળ છોડી છે. આ ફિલ્મ હવે બાહુબલીના વૈશ્વિક રેકોર્ડથી માત્ર 300 કરોડ રૂપિયાં દૂર છે.
ઓવરસીઝમાં મજબૂત પ્રદર્શન
ઓવરસીઝ માર્કેટમાં પણ પુષ્પા 2નો દબદબો યથાવત છે. ફિલ્મે 233 કરોડ રૂપિયાની કમાણી કરી છે. ખાસ કરીને નૉર્થ અમેરિકામાં આ ફિલ્મ રોજ સરસ બિઝનેસ કરી રહી છે.
આગામી ફિલ્મો માટે પડકાર
પુષ્પા 2 ની ઝડપે હવે વર્ણ ધવનની બેબી જૉન અને નાના પાટેકરની વનવાસ જેવી ફિલ્મો માટે મુંઝવણ ઊભી કરી છે.
અલ્લુ અર્જુન અને પુષ્પા બ્રાન્ડનો પ્રભાવ
અલ્લુ અર્જુનની શાનદાર અભિનય ક્ષમતા અને ફિલ્મની અસરકારક સ્ટોરીલાઇન દર્શકોના દિલમાં ઊંડો અસર છોડી છે. પુષ્પા 2 ના આ આંકડાઓ સાબિત કરે છે કે આ ફિલ્મના પ્રભાવને ભવિષ્યમાં લાંબા સમય સુધી યાદ રાખવામાં આવશે.
પુષ્પા 2ની સફળતા ભારતીય સિનેમાના વૈશ્વિક પ્રભાવને વધુ મજબૂત કરી રહી છે. હવે જોવું રસપ્રદ રહેશે કે આ ફિલ્મ બાહુબલીનો રેકોર્ડ કેટલાં સમયમાં તોડે છે.
