Kangana Ranaut Himachal Flood: બોલિવૂડમાં પોતાના અભિનયથી લોકોને દિવાના બનાવનાર કંગના રનૌત જ્યારથી રાજકારણમાં આવી છે ત્યારથી તે લોકોની સમસ્યાઓને નજીકથી જોઈ રહી છે. તાજેતરમાં, હિમાચલ પ્રદેશમાં ભારે વરસાદ અને વાદળ ફાટવાને કારણે પૂરએ તબાહી મચાવી છે. જે બાદ અભિનેત્રી અને સાંસદ કંગના રનૌત મુશ્કેલ પર્વતો પર ચઢીને જરૂરિયાતમંદ લોકો સુધી પહોંચી રહી છે.

કંગના રનૌત હિમાચલ પ્રદેશના દૂરના વિસ્તારોમાં જઈને પૂર પ્રભાવિત લોકોને મળી હતી. આ દરમિયાન અભિનેત્રી ખૂબ જ ભાવુક દેખાતી હતી.

કંગનાએ પીડિતોને આશ્વાસન આપ્યું

બીજેપી સાંસદ કંગના રનૌતે તાજેતરમાં હિમાચલ પ્રદેશમાં પૂરગ્રસ્ત વિસ્તારોની મુલાકાત લીધી હતી. આ દરમિયાન અભિનેત્રીએ પૂર પ્રભાવિત લોકોને પણ મળ્યા અને મદદનું આશ્વાસન આપ્યું. જ્યારે કંગના પૂર પ્રભાવિત લોકોને મળી રહી હતી ત્યારે પીડિતો તેને જોઈને રડવા લાગી હતી. આ દરમિયાન અભિનેત્રી ભાવુક પણ જોવા મળી હતી. જેની તસવીરો અભિનેત્રીએ તેના સોશિયલ મીડિયા પર શેર કરી છે. કંગના રનૌતે પીડિતોને કહ્યું, ‘આ એક હૃદયદ્રાવક દુર્ઘટના છે જે હિમાચલના લોકો પર પડી છે, પરંતુ હું તમામ લોકોને ખાતરી આપું છું કે કેન્દ્રની મોદી સરકાર રાજ્ય સરકાર સાથે ખભે ખભા મિલાવીને ઊભી છે.’

People have lost everything, in the vastness of that loss I feel immense pain and grief. pic.twitter.com/Mfh1Gg3YUq

— Kangana Ranaut (@KanganaTeam) August 6, 2024

કંગના પહાડી શિખરો પર ચાલી

બીજી તરફ અભિનેત્રીએ હિમાચલ સરકારને ઘેરતા કહ્યું, ‘હું જોઈ રહી છું કે ઘણી જગ્યાએ કનેક્ટિવિટી તૂટી રહી છે. પરંતુ, સરકાર નિષ્ક્રિય બેઠી છે. લોકોની અવરજવર માટેનો સંપર્ક માર્ગ તૂટી ગયો છે. તમને જણાવી દઈએ કે, પીડિતો સુધી પહોંચવા માટે કંગનાને પગપાળા પર્વતની શિખરો પર ચઢવું પડ્યું હતું. પૂરના કારણે રસ્તો ક્ષતિગ્રસ્ત થયો છે, જેના કારણે પહેલા વાહનોને રોકવા પડ્યા હતા. કંગના રનૌતના વર્ક ફ્રન્ટની વાત કરીએ તો, સાંસદ બન્યા બાદ તે હવે ફિલ્મ ‘ઇમરજન્સી’માં જોવા મળશે આ ફિલ્મ સપ્ટેમ્બરમાં રિલીઝ થશે.