Border 2: દેશની સૌથી મોટી ‘વોર’ ફિલ્મ ‘બોર્ડર 2’ ની શૂટિંગ શરૂ, સેટ પરથી આવેલી પહેલી તસવીર
Border 2: સની દેઓલની મોસ્ટ અવેટેડ ફિલ્મ ‘બોર્ડર 2’નું શૂટિંગ હવે સત્તાવાર રીતે શરૂ થઈ ગયું છે. આ સમાચાર સાથે, નિર્માતાઓએ સોશિયલ મીડિયા પર એક પોસ્ટ શેર કરી છે, જેમાં ફિલ્મના મુખ્ય કલાકારો અને તેમની ભૂમિકાઓ વિશે માહિતી આપવામાં આવી છે. આ ફિલ્મ 2026ની શરૂઆતમાં રિલીઝ થવાની છે અને તે એક્શન, ડ્રામા અને દેશભક્તિથી ભરપૂર હશે.
ગદર 2ની જબરજસ્ત સફળતા બાદ હવે સની દેઓલના ફેન્સ ‘બોર્ડર 2’ની આતુરતાથી રાહ જોઈ રહ્યા છે. 1997ની બ્લોકબસ્ટર વોર ફિલ્મ ‘બોર્ડર’ની સિક્વલ હોવાથી દર્શકોની ઉત્તેજના વધુ વધી ગઈ છે. ફિલ્મનું શૂટિંગ શરૂ થવાની માહિતી મળતા જ ચાહકોમાં ઉત્સાહનો માહોલ જોવા મળ્યો હતો. આ વખતે અગાઉ ‘બોર્ડર’ અને ‘LoC કારગિલ’ જેવી યુદ્ધ ફિલ્મો બનાવી ચૂકેલા જયપી દત્તા વધુ એક મહાન યુદ્ધ ફિલ્મ બનાવવા માટે તૈયાર છે.
ફિલ્મમાં કયા કયા સ્ટાર્સ હશે?
‘બોર્ડર 2’ માં સની દેઓલ, વરુણ ધવન, દિલજીત દોસાંઝ, અને અહાન શેટ્ટી જેમા મોટા સ્ટાર્સ મુખ્ય ભૂમિકામાં નજર આવશે.આ ફિલ્મ ભારતીય સેનાની વિરતા અને દેશભક્તિના ભાવનાઓને સ્ક્રીન પર જીવંત કરશે, જેમ કે પહેલા ‘બોર્ડર’ ફિલ્મમાં કરવામાં આવ્યું હતું.
પહેલી તસવીર અને સેટની માહિતી
ફિલ્મની શૂટિંગ શરૂ થવા બાદ, મેકર્સે સેટથી એક પહેલી તસવીર શેર કરી છે. આ તસવીરમાં ફિલ્મના ક્લેપબોર્ડ પર ફિલ્મનું નામ અને સીનની માહિતી આપવામાં આવી છે. સાથે જ બેકગ્રાઉન્ડમાં એક વોર ટેંક પણ નજર આવી રહ્યો છે, જે ફિલ્મના આક્શન દ્રશ્યોનો અંદાજ આપે છે. આ તસવીર સોશિયલ મીડિયા પર વાયરલ થઈ ગઈ છે.
રિલીઝ ડેટ અને ટીમ
‘બોર્ડર 2’ નું નિર્માણ એક પાવરહાઉસ ટીમ દ્વારા કરવામાં આવી રહ્યું છે, જેમાં ભૂષણ કુમાર, કૃષ્ણ કુમાર, જયપી દત્તા, અને નિધી દત્તા શામેલ છે. ફિલ્મ 23 જાન્યુઆરી 2026 ના રોજ સિનેમા ઘરોમાં રિલીઝ થશે. મેકર્સનું કહેવું છે કે આ ફિલ્મમાં દર્શકો એ આક્શન, ડ્રામા અને દેશભક્તિનો એવો અનુભવ થશે, જે પહેલાં કદી જોવા મળ્યો ન હતો.
View this post on Instagram
ફિલ્મની સ્ટોરી
1997 માં આવેલી ‘બોર્ડર’ ફિલ્મમાં 1971 ની લૉંગેવાલા ની લડાઈ દર્શાવામાં આવી હતી, જેમાં ભારતીય સેનાની એક નાની બટાલિયનને પાકિસ્તાની મોટી સ્ટ્રાઈક ફોર્સ સામે લડવું પડ્યું હતું। આ યુદ્ધે ભારતીય સેનાની વિરતા અને દૃઢ સંકલ્પને દર્શાવ્યું હતું। હવે ‘બોર્ડર 2’ પણ તે જ જુસ્સો અને દેશભક્તિની ભાવના સાથે સ્ક્રીન પર આવશે.
સની દેઓલના ફેન્સ માટે આ ફિલ્મ એક શાનદાર અનુભવ સાબિત થવાની છે. હવે જોઈશું કે ‘બોર્ડર 2’ તે સમયના ઐતિહાસિક સંઘર્ષ અને વિરતા કઈ રીતે મોટા પડદે જીવંત કરે છે.
