Food Safety Officerની બમ્પર જગ્યાઓ માટે ભરતી, આ તારીખ સુધી જ અરજી કરી શકાશે

Food Safety Officer: ફૂડ સેફ્ટી ઓફિસરની બમ્પર જગ્યાઓ માટે ભરતી, આ તારીખ સુધી જ અરજી કરી શકાશે

Food Safety Officer: નોકરી શોધી રહેલા ઉમેદવારો માટે આ ખૂબ જ સારા સમાચાર છે. મધ્યપ્રદેશ પબ્લિક સર્વિસ કમિશન (MPPSC) એ ફૂડ સેફ્ટી ઓફિસરની 120 જગ્યાઓ માટે ભરતીની જાહેરાત કરી છે. લાયક અને રસ ધરાવતા ઉમેદવારો 27 એપ્રિલ 2025 સુધી આ જગ્યાઓ માટે અરજી કરી શકે છે. આ ભરતી માટેની અરજી પ્રક્રિયા ઓનલાઈન હશે અને ઉમેદવારો mppsc.mp.gov.in પર જઈને અરજી ફોર્મ ભરી શકે છે. આ ઉપરાંત, ઉમેદવારો અહીં આપેલા પગલાં પણ અનુસરી શકે છે.

ફૂડ સેફ્ટી ઓફિસરની જગ્યા માટે અરજી કરનારા ઉમેદવારોએ માન્ય યુનિવર્સિટીમાંથી નીચે દર્શાવેલ વિષયોમાં સ્નાતક અથવા અનુસ્નાતકની ડિગ્રી હોવી જોઈએ.

બાયોકેમિસ્ટ્રી
માઇક્રોબાયોલોજી
રસાયણશાસ્ત્ર
તબીબી વિજ્ઞાન
ફૂડ ટેકનોલોજી
ડેરી ટેકનોલોજી
બાયોટેકનોલોજી
તેલ ટેકનોલોજી
કૃષિ વિજ્ઞાન
પશુચિકિત્સા વિજ્ઞાન

વય મર્યાદા

આ જગ્યાઓ માટે અરજી કરનારા ઉમેદવારોની લઘુત્તમ ઉંમર 21 વર્ષ અને મહત્તમ ઉંમર 40 વર્ષ હોવી જોઈએ. અનામત શ્રેણીના ઉમેદવારોને સરકારી નિયમો અનુસાર વય મર્યાદામાં છૂટછાટ આપવામાં આવશે.

પગાર?

સૂચના અનુસાર, આ પદો માટે પસંદ કરાયેલા ઉમેદવારોને ૧૫,૬૦૦ રૂપિયાથી ૩૯,૧૦૦ રૂપિયા સુધીનો પગાર આપવામાં આવશે. આ ઉપરાંત, ઉમેદવારોને ગ્રેડ પે અને અન્ય ભથ્થાં પણ આપવામાં આવશે.