કચ્છની સરહદે થુરાયા સેટેલાઈટ ફોન સિગ્નલ થયા ટ્રેસ

કચ્છ સરહદે ભારતમાં પ્રતિબંધિત થુરાયા સેટેલાઈટ ફોન સિગ્નલ ટ્રેસ થયા હતા. જોકે આ મામલે સેટેલાઈટ ફોન માત્ર ચાલુ કરાયાનો દાવો કરવામાં આવ્યો હતો. ફોન વડે વાતચીત થઈ હોવાનો ઈન્કાર કરવામાં આવ્યો છે.
કચ્છના લખપત વિસ્તારમાં તેમજ ખાવડા વિસ્તારમાં પાકિસ્તાની ટાવરે છોડેલા થુરાયા સેટેલાઈટ ફોન સિગ્નલ ટ્રેસ થયા હોવાનું અને ઉચ્ચ સ્તરિય સુરક્ષા એજન્સીઓએ તે સિગ્નલને આંતર્યા હોવાનો દાવો કરવામાં આવ્યો છે. આ સિગ્નલમાં થયેલી વાતચીત પ્રમાણે રવિવારે પાકિસ્તાનમાં શિકાર માટે ઉપયોગમાં લેવામાં આવ્યા હોવાની માહિતી મળી હતી. આ મામલે તપાસ માટે બીએસએફની ટૂકડી કામે લાગી છે. ભારત માટે ચિંતાનો વિષય એ છે કે આ ટાવરના ફોન સિગ્નલ ભારતની સરહદની અંદર મળ્યા હતા.થુરાયા સેટેલાઇટ ફોન ભારતમાં પ્રતિબંધિત છે. સીમા પર પાકિસ્તાને ઓપી ટાવર ઉભા કર્યા છે. ઓપી ટાવર સાથે નવી પોસ્ટ પણ ઉભી કરવામાં આવી છે.
સમગ્ર હિલચાલને પગલે ઉચ્ચ સ્તરિય સુરક્ષા એજન્સીઓ સતર્ક થઈ ગઈ છે જેથી કરીને કોઈ અનિચ્છનીય ઘટના બનતી રોકી શકાય.એટલું જ નહિં ભારત દ્વારા કચ્છ સીમાએ એલર્ટ આપવામાં આવ્યું છે. 26મી જાન્યુઆરી અને અમેરિકાના અલ્ટીમેટમને પગલે પાકિસ્તાન દ્વારા વધુ એક નફ્ફટાઈભરી હરકત કરવામાં આવી છે. જેને પગલે ભારત દ્વારા ચાંપતો ચોકી પહેરો ગોઠવી દેવાયો છે.