નવી દિલ્હી : ઇલેક્ટ્રિક વાહનો પર વધતા જતા ક્રેઝને ધ્યાનમાં રાખીને એમેઝોન ઇન્ડિયાએ આજે મહિન્દ્રા ઇલેક્ટ્રિક સાથે કરાર જાહેર કર્યો છે. એમેઝોન ઇન્ડિયાએ મહિન્દ્રા ઇલેક્ટ્રિકની ઇવી (ઇલેક્ટ્રિક વીહિકલ)ને તેના ડિલિવરી નેટવર્ક સાથે જોડી દીધી છે. આ ડીલ હેઠળ, એમેઝોને દેશના સાત મોટા શહેરોમાં તેના ડિલિવરી નેટવર્ક સાથે 100 જેટલા મહિન્દ્રા ટ્રેઓ જોર ઇવીઝ (100 Mahindra Treo Zor EVs)ને જોડ્યા છે. એટલે કે એમેઝોન આ ઇલેક્ટ્રિક વાહનોનો ઉપયોગ ઉત્પાદનોના ડિલિવરી માટે કરશે.
આ ડીલમાં મહિન્દ્રા ટ્રેઓ જોર બેંગલુરુ, નવી દિલ્હી, હૈદરાબાદ, અમદાવાદ, ભોપાલ, ઇન્દોર અને લખનઉમાં નેટવર્ક સાથે જોડવામાં આવી છે. આ વાહનોને એમેઝોન ઇન્ડિયાના ડિલિવરી સર્વિસ પાર્ટનર્સ નેટવર્કમાં તૈનાત કરવામાં આવ્યા છે.
આજે જાહેર કરાયેલ ડીલનો પાયો ગત વર્ષે નાખ્યો હતો. જ્યારે એમેઝોનના ચીફ જેફ બેઝોસે જાહેરાત કરી કે તેઓ તેમના ડિલિવરી નેટવર્કમાં લગભગ 10,000 ઇલેક્ટ્રિક વાહનો ઉમેરશે. ઇ-કોમર્સ કંપની એમેઝોન અનુસાર, વર્ષ 2025 સુધીમાં, તેના ડિલિવરી નેટવર્કમાં લગભગ 10,000 ઇલેક્ટ્રિક વાહનોનો સમાવેશ કરવામાં આવશે.
જો કે, વર્ષ 2030 સુધીમાં, એમેઝોનનું લક્ષ્ય વિશ્વભરમાં તેના ડિલિવરી નેટવર્કમાં 1 લાખ ઇલેક્ટ્રિક વાહનો ઉમેરવાના છે. જો કે, મહિન્દ્રા સાથેનો આ સોદો તેનાથી અલગ છે. 8 કેડબલ્યુની ટ્રેઓ જોર 550 કિલો સુધી વહન કરી શકે છે. તે ઓક્ટોબર 2020 માં શરૂ કરવામાં આવી હતી અને તે અદ્યતન લિથિયમ-આયન બેટરીથી સજ્જ છે.
