વાવાઝોડા સાથે અડધો ઇંચ વરસાદઃ ધોરાજી

ધોરાજી પથંકમાં ગઇકાલે સાંજે વાતાવરણમા અચાનક પલ્ટો આવતા ભારે પવન સાથે મિનિ વાવાઝોડું આવતા મોટીમારડ ગામ પાસે પાટણવાવ રોડ પર વૂક્ષો ધરાશાયી થઈ જતાં રોડ બંધ થઈ ગથો હતો. આ અંગે નાયબ કલેક્ટર તુષાર જોષી, ધોરાજીના મામલતદાર અપારનાથીએ ધરાશાયી થયેલા વૂક્ષોને જેસીબી મશીનો મારફતે દૂર કરાવીને રસ્તો ખૂલ્લો કરાવ્યો હતો. તેમજ કરા સાથે પોણા કલાકમાં જ અડધો ઇંચ વરસાદ પણ ખાબક્યો હતો. આ વાવાઝોડામાં 76 વૃક્ષોનો સોથ બોલી ગયો હતો. જૂનાગઢ ઉપરાંત ભેંસાણ, વિસાવદર, માણાવદર પંથકમાં પણ ભારે પવન ફુંકાયો હતો. તેમજ વાદળો ઘેરાયાં હતાં. બીજી તરફ ભેંસાણ રોડ પર પવનનાં કારણે એક વૃક્ષ ધરાશાયી થઇ ગયું હતું. જો કે કોઇ જાનહાની થઇ ન હતી. ધૂળ આંધી સર્જાઇ હતી. તેમજ જૂનાગઢ પંથકમાં વરસાદી છાંટા પણ પડ્યા હતા.