મહાભારત/ શકુની મામા સોગઠાં બાજીમાં જે પાસાંનો ઉપયોગ કરતા તે હકીકતમાં શું હતું તે જાણો છો ?

શાસ્ત્રી કેયુરભાઇ ભટ્ટ ના જણાવ્યા અનુસાર સંસ્કૃત સાહિત્યનાં ઈતિહાસમાં મહાભારતને પાંચમો વેદ કેહવામાં આવ્યો છે. મહાભારત કથામાં શકુની મામાને યુધ્ધ માટે જવાબદાર પાત્રો માંથી એક ગણવામાં આવે છે. શકુની ગાંધાર સામ્રાજ્યનો રાજા હતો જેનું મોટા ભાગનું જીવન બહેનની સાસરીમાં જ વિત્યું. શકુની ક્યારેય જુગારમાં હાર્યો ન હતો શકુની એ જ દુર્યોધનના મનમાં પાંડવો પ્રત્યે નફરત ફેલાવીને જુગારની એવી રમત રમી કે પાંડવો તેમાં પોતાનું રાજપાટ સહિત બધું જ હારી ગયા. જુગારની આ રમત બાદ જ કૌરવો અને પાંડવો વચ્ચે મહાભારતનું યુધ્ધ થયું જેમાં કુરુ વંશનો વિનાશ થયો. શકુની મામા ખરેખર જાણતા હતા કે, આમાં કૌરવોની ભુંડી હાર થશે શકુની પોતાની બહેન ગાંધારીનાં લગ્ન આંધળા ધૃતરાષ્ટ્ર સાથે નહોતા થવા દેવા માંગતા પણ ભિષ્મના દબાવને કારણે તે લગ્ન રોકી ન શક્યાં તેનો બદલો લેવા માટે આ ષડયંત્ર રચ્યું હતું જેમાં પાસાંઓની મદદથી તેણે યુધ્ધનું કુચક્ર રચ્યું. ધૃતરાષ્ટ્રે ગાંધાર પર આક્રમણ કરી બધાંને બંદિ બનાવી લીધા હતા. બંદિગૃહમાં ખુબ જ ઓછું ભોજન આપવામાં આવતું હતું જેથી તે લોકો ભુખ થી તડપીને મરી જાય તેવાં માં શકુનીનાં પિતાએ કહ્યું કે, આપણામાથી કોઈ ચતુર અને ચાલાક વ્યક્તિએ જીવીત રહીને આનો બદલો લેવો જોઈએ એટલે બધાં એ પોતાના ભાગનું ભોજન શકુનીને આપ્યું પણ શકુની વચન ભુલી ન જાય તે માટે તેનો એક પગ ભાંગી નાખ્યો જેથી આ ઘટના તેને યાદ રહે. શકુનીના પિતાએ બંદિગૃહમાં મરતા પહેલા શકુનીની ચોપાટ રમત પ્રત્યે નો રસ જોઇને કહ્યું કે, તું મારી આગળીઓ ના પાસાં બનાવી લેજે, પિતા ની આંગળીઓથી બનેલાં પાસાં થી ચોપાટ રમવા ને કારણે જ શકુની દરેક વખતે પાંડવો ને હરાવવા માં સફળ રહ્યો હતો.