Suryakumar Yadav શું ભારત તેનો T20 કેપ્ટન બદલવા જઈ રહ્યું છે? સૂર્યકુમાર યાદવની ખુરશી જોખમમાં!
Suryakumar Yadav તાજેતરમાં, ઇંગ્લેન્ડ સામે રમાયેલી પાંચ મેચની T20 શ્રેણીમાં, ભારતે 4-1થી શાનદાર વિજય મેળવ્યો હતો, પરંતુ હવે T20 કેપ્ટન વિશે એક ચોંકાવનારા સમાચાર સામે આવી રહ્યા છે. આ શ્રેણી દરમિયાન, સૂર્યકુમાર યાદવે કેપ્ટન તરીકે ટીમનું નેતૃત્વ કર્યું હતું, પરંતુ હવે સમાચાર આવી રહ્યા છે કે ભારતના T20 કેપ્ટન ટૂંક સમયમાં બદલાઈ શકે છે.
Suryakumar Yadav સૂત્રોના જણાવ્યા અનુસાર, ભારતીય ક્રિકેટ કંટ્રોલ બોર્ડ (BCCI) સૂર્યકુમાર યાદવના સ્થાને નવા કેપ્ટનની પસંદગી કરવાનું વિચારી રહ્યું છે. અહેવાલો અનુસાર, ભારતીય ક્રિકેટના લાંબા ગાળાના સારા પ્રદર્શનને ધ્યાનમાં રાખીને આ પગલું લેવામાં આવી શકે છે. જોકે, આ સમાચાર આશ્ચર્યજનક છે કારણ કે સૂર્યકુમાર યાદવે તાજેતરમાં શાનદાર પ્રદર્શન કર્યું છે અને ટીમના પ્રદર્શનમાં પણ મહત્વપૂર્ણ ભૂમિકા ભજવી છે.
સૂર્યકુમાર યાદવને કેપ્ટન બનાવવામાં આવ્યા બાદ ટીમે પોતાની રમતમાં ઘણો સુધારો કર્યો છે
અને આ શ્રેણીમાં શાનદાર જીત માટે તેમની પ્રશંસા પણ થઈ હતી. આવી સ્થિતિમાં, એ પ્રશ્ન ઉઠવો સ્વાભાવિક છે કે BCCI આ સમયે કેપ્ટન બદલવાનું કેમ વિચારી રહ્યું છે. જોકે, આ અંગે BCCI તરફથી કોઈ સત્તાવાર નિવેદન આવ્યું નથી, પરંતુ આ સમાચારે ક્રિકેટ જગતમાં હલચલ મચાવી દીધી છે.
ઈંગ્લેન્ડ સામેની પાંચ મેચની T20 શ્રેણીની વાત કરીએ તો, સૂર્યકુમાર યાદવ પહેલી T20માં શૂન્ય રને આઉટ થયા હતા. પછી બીજી ટી20માં તે ફક્ત 12 રન બનાવી શક્યો. સૂર્યાએ ત્રીજી ટી20માં 14 રન બનાવ્યા. ચોથી ટી20માં સૂર્યકુમાર ફરીથી શૂન્ય પર આઉટ થયો અને પાંચમી ટી20માં તેના બેટમાંથી ફક્ત બે રન જ નીકળ્યા.
આ આખી શ્રેણીમાં સૂર્યકુમાર યાદવના બેટમાંથી ફક્ત 28 રન જ આવ્યા. તમને જાણીને નવાઈ લાગશે કે આ શ્રેણીમાં ઇંગ્લેન્ડના બોલરોએ સૂર્યા કરતાં વધુ રન આપ્યા હતા. શ્રેણીના ટોચના 15 બેટ્સમેનોની વાત કરીએ તો, વોશિંગ્ટન સુંદર 32 રન સાથે છેલ્લા સ્થાને હતા. સૂર્યા આ 15 માં પણ સ્થાન મેળવી શક્યો નહીં.
ઈંગ્લેન્ડ સામેની શ્રેણી પહેલા, દક્ષિણ આફ્રિકામાં પણ સૂર્યકુમાર યાદવનું બેટ શાંત હતું. તે જ સમયે, તે શ્રીલંકા સામેની T20 શ્રેણીમાં પણ વધારે રન બનાવી શક્યો ન હતો. ભારતે ત્રણેય શ્રેણી જીતી હોવા છતાં, સૂર્યાના ખરાબ ફોર્મ અંગે ચોક્કસપણે પ્રશ્નો ઉભા થયા છે. સૂર્યકુમારની ટી20 કેપ્ટન તરીકેની છબી મજબૂત થઈ છે, અને જો કેપ્ટનશીપમાં ફેરફાર થાય છે, તો તે એક મોટો નિર્ણય હશે, જે ટીમ અને તેમના ચાહકો બંને માટે આઘાતજનક ગણી શકાય.
