IPL 2024
IPL 2024માં બનેલા આવા રેકોર્ડ, જેના વિશે કદાચ તમે નહીં જાણતા હોવ
કોલકાતા નાઈટ રાઈડર્સની ટીમ અત્યાર સુધીમાં 3 આઈપીએલ ટાઈટલ જીતી ચૂકી છે. હવે તેનાથી આગળ માત્ર મુંબઈ ઈન્ડિયન્સ અને ચેન્નાઈ સુપર કિંગ્સ છે. MI અને CSK પાંચ વખત ટાઈટલ જીતી ચૂકી છે. કેકેઆર આ પહેલા વર્ષ 2012 અને 2014માં ટ્રોફી જીત્યું હતું.
IPLની આ સિઝનમાં KKRની ટીમ માત્ર 3 મેચ હારી છે. આ પહેલા વર્ષ 2008માં રાજસ્થાન રોયલ્સ અને 2020માં મુંબઈ ઈન્ડિયન્સ પણ સમગ્ર સિઝનમાં માત્ર ત્રણ મેચ હારી હતી. કોલકાતા નાઈટ રાઈડર્સ હવે આમ કરનારી ત્રીજી ટીમ બની ગઈ છે.
જ્યારે KKRએ ફાઇનલમાં સનરાઇઝર્સ હૈદરાબાદને હરાવ્યું ત્યારે ઇનિંગમાં 57 બોલ બાકી હતા. આઈપીએલ પ્લેઓફમાં બોલ બાકી રહેતા આ સૌથી મોટી જીત છે. આ પહેલા KKRએ હૈદરાબાદ સામે 38 બોલ બાકી રહેતા મેચ જીતી લીધી હતી.
મિચેલ સ્ટાર્ક IPLની એક જ સિઝનમાં બે પ્લેઓફ મેચમાં સર્વશ્રેષ્ઠ ખેલાડીનો એવોર્ડ મેળવનાર પ્રથમ ખેલાડી બની ગયો છે. તેણે ક્વોલિફાયર 1 અને પછી ફાઇનલમાં આ એવોર્ડ જીત્યો હતો.
વેંકટેશ ઐયરે અત્યાર સુધી IPL પ્લેઓફમાં ચારથી વધુ વખત અડધી સદી ફટકારી છે. હવે સુરેશ રૈના એકમાત્ર એવા બેટ્સમેન છે જે આવું કરી શક્યા છે. રૈનાએ સાત વખત આ કારનામું કર્યું છે.
