Shakib Al Hasan શાકિબ અલ હસન વિરુદ્ધ ધરપકડ વોરંટ જારી, જેલ જવાની શક્યતા
Shakib Al Hasan બાંગ્લાદેશ ક્રિકેટ ટીમના સ્ટાર ખેલાડી શાકિબ અલ હસન હવે મુશ્કેલીમાં મુકાયા હોય તેવું લાગે છે. ઢાકાની એક કોર્ટે તેમની વિરુદ્ધ ધરપકડ વોરંટ જારી કર્યું છે. આ કેસ ચેક બાઉન્સ સાથે સંબંધિત છે, જેના કારણે શાકિબને જેલ જવાની શક્યતા છે.
Shakib Al Hasan શાકિબ પર બેંકમાંથી પૈસા ઉધાર લેવાનો આરોપ છે જે ચેક દ્વારા ચૂકવવાના હતા પરંતુ બંને ચેક બાઉન્સ થઈ ગયા કારણ કે તેના ખાતામાં પૂરતા પૈસા નહોતા. આ કારણે તેમની સામે છેતરપિંડીનો કેસ નોંધવામાં આવ્યો છે. શાકિબ અને અન્ય ત્રણ લોકો પર લગભગ 4 કરોડ 14 લાખ રૂપિયા બાંગ્લાદેશી ટાકા ન ચૂકવવાનો આરોપ છે. આ કેસમાં, કોર્ટે શાકિબ વિરુદ્ધ ધરપકડ વોરંટ જારી કર્યું છે, જેના કારણે તેની ધરપકડ થઈ શકે છે.
શાકિબ અલ હસનનું ક્રિકેટ કરિયર ખૂબ જ શાનદાર રહ્યું છે.
તેણે 247 ODI મેચોમાં 7570 રન બનાવ્યા છે, જેમાં 9 સદી અને 56 અડધી સદીનો સમાવેશ થાય છે. આ ઉપરાંત, તેણે 317 ODI વિકેટ પણ લીધી છે. ટેસ્ટ ક્રિકેટમાં પણ તેમનું પ્રદર્શન પ્રભાવશાળી રહ્યું છે, જ્યાં તેમણે 246 વિકેટ લીધી છે અને 4609 રન બનાવ્યા છે. શાકિબે ટેસ્ટ ક્રિકેટમાં પણ બેવડી સદી ફટકારી છે.આ પહેલી વાર નથી જ્યારે શાકિબે મુશ્કેલીઓનો સામનો કરવો પડ્યો હોય. મેદાન પર પોતાની અભદ્ર વર્તણૂકને કારણે તે ભૂતકાળમાં વિવાદોમાં ફસાયો છે અને તેના ખરાબ વર્તનને કારણે તેની સામે ઘણી વખત કાર્યવાહી કરવામાં આવી છે.
હવે આ નવા કેસમાં, કોર્ટે શાકિબ વિરુદ્ધ ધરપકડ વોરંટ જારી કર્યું છે, અને જોવાનું બાકી છે કે આ કેસમાં આગળ શું થાય છે અને શાકિબને જેલમાં જવું પડશે કે નહીં.
