IND vs AUS 4th Test Day 1: ભારતનો સૌથી મોટો ‘દુશ્મન’ પેવેલિયન પરત ફર્યો, ટ્રેવિસ હેડને જસપ્રિત બુમરાહે બોલ્ડ કર્યો
IND vs AUS 4th Test Day 1: ભારત અને ઓસ્ટ્રેલિયા વચ્ચે બોર્ડર-ગાવસ્કર ટ્રોફીની ચોથી ટેસ્ટ મેચ મેલબોર્ન ક્રિકેટ ગ્રાઉન્ડ (MCG) ખાતે ચાલી રહી છે. શ્રેણી હાલમાં 1-1થી બરાબર છે અને ભારત આ ટેસ્ટમાં 2-1થી લીડ લેવાનો પ્રયાસ કરશે.
ઓસ્ટ્રેલિયન ટીમ સામેની આ મેચમાં ભારતે કેટલાક ફેરફાર કર્યા છે. શુભમન ગિલના સ્થાને બીજા સ્પિન બોલર તરીકે વોશિંગ્ટન સુંદરને પ્લેઈંગ ઈલેવનમાં સામેલ કરવામાં આવ્યો છે. જ્યારે કેપ્ટન રોહિત શર્મા ત્રીજા નંબર પર બેટિંગ કરશે. ટીમ ઈન્ડિયાએ બે સ્પિનરો અને ત્રણ ફાસ્ટ બોલરોના સંયોજન સાથે મેદાન માર્યું છે.
બુમરાહે ટ્રેવિસ હેડને બોલ્ડ કર્યો
ઓસ્ટ્રેલિયાની ચોથી વિકેટ 240 રનના સ્કોર પર પડી, જ્યારે ટ્રેવિસ હેડ ખાતું ખોલાવ્યા વિના આઉટ થયો હતો. જસપ્રીત બુમરાહે તેને બોલ્ડ કર્યો હતો. હેડ બુમરાહનો એક બોલ છોડી રહ્યો હતો, પરંતુ તે બાઉન્સને બરાબર સમજી શક્યો ન હતો. બુમરાહની આ બીજી સફળતા હતી.
માર્નસ લાબુશેનની વિકેટ પણ પડી
ઓસ્ટ્રેલિયાની ત્રીજી વિકેટ 237 રનના સ્કોર પર પડી, જ્યારે માર્નસ લાબુશેન 72 રન બનાવીને આઉટ થયો હતો. તે વોશિંગ્ટન સુંદરના બોલ પર મોટા શોટનો પ્રયાસ કરતા કેચ આઉટ થયો હતો.
સ્ટીવ સ્મિથ અડધી સદીની નજીક
સ્ટીવ સ્મિથે 60 બોલમાં પાંચ ચોગ્ગાની મદદથી 41 રન બનાવ્યા છે. માર્નસ લાબુશેન 140 બોલમાં 69 રન બનાવીને ક્રિઝ પર છે. બંને વચ્ચે 79 રનની ભાગીદારી થઈ છે. હાલમાં ઓસ્ટ્રેલિયાનો સ્કોર બે વિકેટના નુકસાન પર 233 રન છે.
