Harbhajan Singh: હરભજનસિંહની એક ટ્વીટથી હડકંપઃ જસપ્રીત બુમરાહ મુંબઈ ઈન્ડિયન્સ છોડવાના સંકેત
Harbhajan Singh: આઈપીએલ 2025ની હરાજીમાં પ્રવેશ કરશે? હરભજન સિંહે યોર્કર કિંગ જસપ્રિત બુમરાહ પર એક પોસ્ટ કરી છે, જે વાયરલ થઈ રહી છે
આ પોસ્ટ બાદ વિવાદનો દોર શરૂ થયો છે, લોકો વિવિધ પ્રકારના દાવા કરી રહ્યા છે
2025 માટે ઈન્ડિયન પ્રીમિયર લીગની રીટેન્શન પોલિસી પછી તમામ અટકળો શરૂ થઈ
આઈપીએલ 2025 ની રીટેન્શન પોલિસીની જાહેરાત થતાની સાથે જ અટકળોનું બજાર ગરમ થઈ ગયું છે. આ દરમિયાન હરભજન સિંહે એક મોટો ઈશારો કર્યો છે. તેણે જસપ્રિત બુમરાહને એક્સ પર ટેગ કરીને એક પોસ્ટ શેર કરી છે, જે વાયરલ થઈ રહી છે.
જસપ્રિત બુમરાહ અને મુંબઈ ઈન્ડિયન્સ વચ્ચે ગાઢ સંબંધ છે. એવું માનવામાં આવે છે કે બંનેએ એકબીજાને બનાવ્યા છે. મુંબઈ ઈન્ડિયન્સે જસપ્રિત બુમરાહને પ્લેટફોર્મ આપ્યું હતું. આંતરરાષ્ટ્રીય ક્રિકેટ માટે તૈયાર થયો ત્યારથી બુમરાહ હંમેશા ટીમની સફળતા માટે એક્સ ફેક્ટરની ભૂમિકા ભજવતો રહ્યો છે. જો કે, ગત સિઝનમાં સુકાનીપદમાં ફેરફાર થયા બાદ સતત એવા અહેવાલો આવ્યા હતા કે મુંબઈ ઈન્ડિયન્સના કેમ્પમાં બધું બરાબર નથી. હવે મુંબઈ ઈન્ડિયન્સ માટે ટ્રોફી જીતનાર પૂર્વ કેપ્ટન હરભજન સિંહના એક ટ્વીટને કારણે મોટો વિવાદ છેડાઈ ગયો છે.
હરભજન સિંહનું ટ્વીટ વાયરલ થયું
આઈપીએલ-2025ની રિટેન્શન પોલિસીની જાહેરાત પછી, વિવિધ અટકળો વચ્ચે હરભજન સિંહે ટ્વીટ કર્યું. તેણે એક્સ પર લખ્યું- જો જસપ્રીત બુમરાહ પોતાને આઈપીએલ ઓક્શન માટે ઉપલબ્ધ કરાવે છે તો અમને સૌથી મોંઘો ખેલાડી મળશે. શું તમે બધા આ વાત સાથે સહમત છો? તેણે બુમરાહને પણ ટેગ કર્યો. તેમની આ પોસ્ટ થોડી જ વારમાં વાયરલ થવા લાગી.
બુમરાહ આઈપીએલ ઈતિહાસનો સૌથી મોંઘો ખેલાડી બની સખે છે
જસપ્રીત બુમરાહે આના પર કોઈ પ્રતિક્રિયા આપી નથી, પરંતુ જો આવું થાય છે તો તે આશ્ચર્યજનક નથી કે જો તે હરાજીમાં ભાગ લેશે તો આઈપીએલ ઈતિહાસના તમામ રેકોર્ડ તુટી જશે. આના પર ચાહકોએ વિવિધ પ્રકારની પ્રતિક્રિયાઓ આપવાનું શરૂ કર્યું. વિરાટ કોહલીના ચાહકો આરસીબી સ્ટાર માટે દાવો કરવા લાગ્યા તો કેટલાકે સૂર્યકુમાર યાદવનું નામ લીધું
રિટેન કરાયેલા ખેલાડીઓની યાદી જાહેર કરવાની છેલ્લી તારીખ 31મી ઓક્ટોબર
આ બાબત થાય છે કે નહીં તે 31 ઓક્ટોબર સુધીમાં ખબર પડશે. રિટેન કરાયેલા ખેલાડીઓના નામ આપવાની છેલ્લી તારીખ 31 ઓક્ટોબર નક્કી કરવામાં આવી છે. બીજી તરફ, મુંબઈ ઈન્ડિયન્સની ટીમ ભાગ્યે જ જસપ્રિત બુમરાહને છોડવાનું જોખમ લેવા માંગશે. બુમરાહ એકલો સમગ્ર ટીમને પાછળ છોડી દે છે. ટી20 વર્લ્ડ કપ 2024માં તેણે શું કર્યું તે બધા જાણે છે.
જસપ્રીત બુમરાહની આઈપીએલ કારકિર્દી
જસપ્રીત બુમરાહની એન્ટ્રી 2013માં થઈ હતી અને તે જ વર્ષે ફ્રેન્ચાઈઝીએ તેનું ટાઈટલ જીત્યું હતું. બુમરાહે અત્યાર સુધી ફ્રેન્ચાઇઝી માટે 133 મેચમાં 165 વિકેટ લીધી છે. તેની શ્રેષ્ઠ બોલિંગ 10 રનમાં 5 વિકેટ છે. તેની એવરેજ 22.51 છે અને ઇકોનોમી 7.30 છે. તેની કિલર બોલિંગનો અંદાજ એ વાત પરથી લગાવી શકાય છે કે દુનિયાનો લગભગ દરેક બેટ્સમેન તેને સૌથી ખતરનાક બોલર માને છે.
આ દરમિયાન પંજાબની ટીમ તેના કેટલાક ખેલાડીઓને રિટેન કરી શકે છે જે શક્ય ખેલાડીઓ પર એક નજર.
જોની બેરેસ્ટો
35 વર્ષીય વિસ્ફોટક વિકેટકીપર બેટ્સમેન જોની બેરસ્ટો માટે આઈપીએલ 2024 એટલું શાનદાર ન હતું. પરંતુ તે વર્લ્ડ ક્લાસ હિટર છે. જ્યારે તે તોફાની સ્ટાઈલ સાથે બેટિંગ કરવા આવે છે ત્યારે મોટા બોલરો તેની સામે ઘૂંટણિયે પડે છે. આવી સ્થિતિમાં પંજાબ પોતાના ખેલાડીને જાળવી શકે છે. જો તે ચાલુ રાખે તો તે પોતાના દમ પર 3 થી 4 મેચ જીતી શકે છે.
અર્શદીપ સિંહ
ભારતીય ટીમનો અનુભવી ઝડપી બોલર અર્શદીપ સિંહ આઈપીએલની શરૂઆતથી પંજાબ કિંગ્સ સાથે જોડાયેલો છે અને તેણે ટીમ માટે સારું પ્રદર્શન કર્યું છે. તે પીબીકેએસની પ્રથમ પસંદગી રીટેન્શન પણ બની શકે છે.
અનકેપ્ડ શશાંક સિંહ
33 વર્ષીય અનકેપ્ડ ભારતીય ખેલાડી શશાંક સિંહનો આઈપીએલ 2024માં પુનર્જન્મ થયો છે. તેણે પોતાની તોફાની બેટિંગથી બધાને ચોંકાવી દીધા હતા. સિંહે 14 મેચમાં 164ના સ્ટ્રાઈક રેટથી 354 રન બનાવ્યા અને 2 અડધી સદી પણ ફટકારી. પંજાબ કિંગ્સ તેને રિટેન કરી શકે છે.
આશુતોષ શર્મા
26 વર્ષીય આશુતોષ શર્માએ પણ આઈપીએલ 2024માં પોતાની નીડર હિટથી બધાનું મનોરંજન કર્યું હતું. તે પંજાબ કિંગ્સ માટે ફિનિશર તરીકે ઉભરી આવ્યો હતો. તેણે 11 મેચમાં 167ના સ્ટ્રાઈક રેટથી એક ફિફ્ટી સાથે 189 રન બનાવ્યા હતા.
કાગિસો રબાડા
દક્ષિણ આફ્રિકાના અનુભવી ઝડપી બોલર કાગિસો રબાડા પણ પંજાબ કિંગ્સની રિટેન્શન લિસ્ટમાં સામેલ થઈ શકે છે. જોકે રબાડાએ આઈપીએલ 2024માં માત્ર 11 વિકેટ લીધી હતી. પરંતુ તે કેવો બોલર છે તે છેલ્લા કેટલાક વર્ષોમાં તેણે સારી રીતે સાબિત કર્યું છે. પંજાબ કદાચ આ અનુભવી ખેલાડીને છોડશે નહીં.
