Gautam Gambhir Death Threat ગૌતમ ગંભીરને મળી જાનથી મારી નાખવાની ધમકી: ‘ISIS કાશ્મીર’ સામે કાર્યવાહી, દેશભરમાં ચિંતાનો માહોલ
Gautam Gambhir Death Threat ભાજપના પૂર્વ સાંસદ અને ભારતીય ક્રિકેટ ટીમના વર્તમાન મુખ્ય કોચ ગૌતમ ગંભીરને આતંકી સંગઠન ‘ISIS કાશ્મીર’ તરફથી મળેલી ધમકી પછી સુરક્ષા એજન્સીઓ સક્રિય થઈ ગઈ છે. તેમણે દિલ્હી પોલીસને જાણ કરી છે અને ઔપચારિક રીતે FIR દાખલ કરી છે. ગુરુવારના રોજ નોંધાયેલી ફરિયાદમાં તેમણે પોતાના પરિવાર માટે વધારાની સુરક્ષા પણ માંગેલી છે.
આ ઘટના ત્યારે ઘટી છે જ્યારે 22 એપ્રિલે જમ્મુ-કાશ્મીરના પહેલગામમાં એક મોટા આતંકવાદી હુમલામાં 25 ભારતીયો અને 1 નેપાળી નાગરિકના જીવ ગયા હતા. લશ્કર-એ-તૈયબાની પ્રોક્સી પાંખ ‘TRF (The Resistance Front)’એ આ હુમલાની જવાબદારી લીધી છે. ગૌતમ ગંભીર એ હુમલાની તિવ્ર નિંદા કરતા કહ્યું હતું કે “ભારત આ કાયરતાપૂર્ણ હુમલાનો જવાબ આપશે”. તેઓએ સોશિયલ મીડિયા પર પણ જણાવ્યું કે “મૃતકોના પરિવારો માટે તેઓ પ્રાર્થના કરે છે અને દુષ્ટો ને તેની કિંમત ચૂકવવી પડશે.”
આ ધમકી સામે દિલ્હી પોલીસની વિશેષ શાખાએ તપાસ શરૂ કરી દીધી છે, અને ઈલેક્ટ્રોનિક એવિડન્સ પણ એકઠું કરવાનું શરૂ થયું છે. ગૌતમ ગંભીર અગાઉ પણ તેમના દેશભક્તિભર્યા નિવેદનોથી ઓળખાતા રહ્યા છે અને પાકિસ્તાન તથા આતંકવાદ વિરોધી તેમના વ્યાજબી અને સ્પષ્ટ અભિગમને કારણે અન્યોના નિશાન પર રહ્યા છે.
‘ISIS કાશ્મીર’ એક આતંકવાદી સંગઠન છે, જેને ભારત સરકાર આતંકી સંગઠન તરીકે ઘોષિત કરી ચૂકી છે. આ સંગઠન ઇસ્લામિક સ્ટેટના વિચારધારાને અનુસરીને કાશ્મીર ક્ષેત્રમાં આતંક પ્રસરી શકે તેવા પ્રયાસોમાં લાગી રહ્યું છે. આ સંગઠન સોશિયલ મીડિયા અને ડાર્ક વેબ મારફતે તેમના મંતવ્યો ફેલાવવા પ્રયાસ કરે છે.
આ સમગ્ર ઘટનાને લઈને દેશભરમાં ચિંતાનો માહોલ છે અને વિવિધ રાજકીય નેતાઓ તેમજ રમતગમત જગતમાંથી પણ ગૌતમ ગંભીરને મળેલી ધમકી માટે સુરક્ષા માંગના અવાજ ઉઠી રહ્યા છે. સરકારે હવે સાયબર સિક્યુરિટી અને આંતરિક સુરક્ષા પર વધુ ભાર મૂકવાનો સંકેત આપ્યો છે.
