Champions Trophy 2025: 2017 પછી ટીમ ઇન્ડિયામાં આ ફેરફાર, આ ખેલાડીઓ પહેલીવાર રમશે
Champions Trophy 2025: ચેમ્પિયન્સ ટ્રોફી 2025 19 ફેબ્રુઆરીથી શરૂ થઈ રહી છે અને આ ટુર્નામેન્ટ માટે ભારતીય ટીમની 15 સભ્યોની ટીમની જાહેરાત કરવામાં આવી છે. ૮ વર્ષ પછી યોજાઈ રહેલી આ ટુર્નામેન્ટ માટે રોહિત શર્માને ભારતીય ટીમનો નવો કેપ્ટન બનાવવામાં આવ્યો છે. આ વખતે પાકિસ્તાન ચેમ્પિયન્સ ટ્રોફીનું આયોજન કરશે, જ્યારે ભારત તેની મેચ દુબઈમાં રમશે. ટીમ ઈન્ડિયાનો પહેલો મુકાબલો 20 ફેબ્રુઆરીએ બાંગ્લાદેશ સામે થશે.
Champions Trophy 2025: છેલ્લે 2017 માં ચેમ્પિયન્સ ટ્રોફી યોજાઈ હતી ત્યારે ટીમ ઈન્ડિયા ફાઇનલમાં પહોંચી હતી પરંતુ પાકિસ્તાન સામે હારનો સામનો કરવો પડ્યો હતો. તે સમયે ટીમની કેપ્ટનશીપ વિરાટ કોહલીના હાથમાં હતી.
ટીમ ઈન્ડિયામાં મોટો ફેરફાર થયો છે
2017 ચેમ્પિયન્સ ટ્રોફીમાં વિરાટ કોહલી કેપ્ટન હતો, અને આ વખતે પણ તે ટીમનો ભાગ છે, પરંતુ હવે ટીમની કેપ્ટનશીપ રોહિત શર્મા કરશે. 2017 ની ટીમમાં સામેલ ઘણા ખેલાડીઓ આ વખતે ટીમનો ભાગ નહીં હોય, જેમાં ભુવનેશ્વર કુમાર, ઉમેશ યાદવ, રવિચંદ્રન અશ્વિન, કેદાર જાધવ, યુવરાજ સિંહ, અજિંક્ય રહાણે, એમએસ ધોની, દિનેશ કાર્તિક અને શિખર ધવનનો સમાવેશ થાય છે.
આ ખેલાડીઓ પહેલી વાર ચેમ્પિયન્સ ટ્રોફીમાં રમતા જોવા મળશે
ચેમ્પિયન્સ ટ્રોફી 2025માં ઘણા નવા ચહેરાઓ હશે જે પહેલી વાર આ ટુર્નામેન્ટમાં રમશે. આમાં શુભમન ગિલ, યશસ્વી જયસ્વાલ, કેએલ રાહુલ, ઋષભ પંત, અક્ષર પટેલ, શ્રેયસ ઐયર, વોશિંગ્ટન સુંદર, કુલદીપ યાદવ અને અર્શદીપ સિંહના નામનો સમાવેશ થાય છે.
ચેમ્પિયન્સ ટ્રોફી 2025 માટે ભારતીય ટીમ
– રોહિત શર્મા (કેપ્ટન)
– શુભમન ગિલ (વાઇસ-કેપ્ટન)
– વિરાટ કોહલી
– શ્રેયસ ઐયર
– કેએલ રાહુલ
– હાર્દિક પંડ્યા
– અક્ષર પટેલ
– વોશિંગ્ટન સુંદર
– કુલદીપ યાદવ
– જસપ્રીત બુમરાહ
– મોહમ્મદ શમી
– અર્શદીપ સિંહ
– યશસ્વી જયસ્વાલ
– ઋષભ પંત
– રવિન્દ્ર જાડેજા