Champions Trophy 2025 માં ભાગ લઈ શકે છે આ 3 ભારતીય સ્ટાર, યાદીમાં બે યુવા ખેલાડી
Champions Trophy 2025: ચેમ્પિયન્સ ટ્રોફી 2025માં ભારતીય ટીમના ત્રણ નવા સ્ટાર ખેલાડીઓ પ્રથમ વખત ભાગ લઈ શકે છે. પાકિસ્તાનને ચેમ્પિયન્સ ટ્રોફી 2025ની યજમાની કરવાની તક આપવામાં આવી છે, જોકે હજુ સુધી એ સ્પષ્ટ નથી થયું કે પાકિસ્તાન આ ટૂર્નામેન્ટનું સંપૂર્ણ આયોજન કરશે કે નહીં. આ વખતે ચેમ્પિયન્સ ટ્રોફીમાં કુલ 8 ટીમો ભાગ લેશે અને ભારતીય ટીમ પણ આ મેગા ઈવેન્ટ માટે તૈયાર છે. આ વખતે ચેમ્પિયન્સ ટ્રોફીમાં ભારત માટે ત્રણ નવા સ્ટાર ખેલાડીઓ પ્રથમ વખત રમી શકે છે
Champions Trophy 2025 ગત વખતે જ્યારે ભારતે ચેમ્પિયન્સ ટ્રોફીમાં ભાગ લીધો હતો ત્યારે ટીમમાં યુવરાજ સિંહ, એમએસ ધોની, શિખર ધવન જેવા દિગ્ગજ ખેલાડીઓ હતા, જેઓ હવે નિવૃત્ત થઈ ચૂક્યા છે. આવી સ્થિતિમાં ભારતના ત્રણ સ્ટાર ખેલાડી 7 વર્ષ બાદ યોજાનારી ચેમ્પિયન્સ ટ્રોફીમાં પ્રથમ વખત આ ટૂર્નામેન્ટનો ભાગ બની શકે છે.
1. શુભમન ગિલ
ODI ક્રિકેટમાં પોતાનો દબદબો સ્થાપિત કરનાર શુભમન ગિલ પ્રથમ વખત ચેમ્પિયન્સ ટ્રોફીમાં ભાગ લઈ શકે છે. ગીલે ભારત માટે 2019માં પોતાની ODI ડેબ્યૂ કરી હતી અને છેલ્લા પાંચ વર્ષમાં તેણે શાનદાર પ્રદર્શન કર્યું છે. અત્યાર સુધી તેણે 47 વનડે મેચોમાં 58.20ની એવરેજથી 2328 રન બનાવ્યા છે. ગીલની ODIમાં બેવડી સદી પણ છે, જે તેણે 2023માં ન્યૂઝીલેન્ડ સામે ફટકારી હતી.
2. ઋષભ પંત
આ યાદીમાં રિષભ પંતનું નામ પણ છે. પંત ભારતીય ક્રિકેટના મહાન વિકેટકીપર-બેટ્સમેનોમાંના એક છે. તે ત્રણેય ફોર્મેટમાં રમે છે અને હાલમાં ઓસ્ટ્રેલિયામાં બોર્ડર ગાવસ્કર ટ્રોફીમાં ભાગ લઈ રહ્યો છે. પંતે 2018માં પોતાની ODI ડેબ્યૂ કરી હતી અને અત્યાર સુધીમાં 31 ODI મેચોમાં 33.5ની એવરેજથી 871 રન બનાવ્યા છે. આ દરમિયાન પંતે 1 સદી અને 5 અડધી સદી પણ ફટકારી છે. ચેમ્પિયન્સ ટ્રોફીમાં તે પ્રથમ વખત ભારતનું પ્રતિનિધિત્વ કરી શકે છે.
3. કે.એલ. રાહુલ
આ યાદીમાં કેએલ રાહુલનું નામ પણ સામેલ છે. રાહુલે 2016માં વનડેમાં ડેબ્યૂ કર્યું હતું, પરંતુ તેને 2017ની ચેમ્પિયન્સ ટ્રોફીમાં રમવાની તક મળી ન હતી. હવે રાહુલને 2025ની ચેમ્પિયન્સ ટ્રોફીમાં રમવાની તક મળી શકે છે. તેણે 2023 ODI વર્લ્ડ કપમાં શાનદાર પ્રદર્શન કર્યું અને તેની બેટિંગથી ભારતીય ટીમને મજબૂતી મળી.
ચેમ્પિયન્સ ટ્રોફી 2025માં આ ત્રણ ખેલાડીઓનું ડેબ્યૂ ભારતીય ટીમને વધુ મજબૂત બનાવશે.
