MS Dhoni IPL 2025: ધોની માટે CSK 18 કરોડ ખર્ચ કરશે? જાણો હરભજન સિંહે શું જવાબ આપ્યો
MS Dhoni IPL 2025: શું ચેન્નાઈ સુપર કિંગ્સ આઈપીએલ 2025 માટે એમએસ ધોનીને જાળવી રાખશે કે નહીં? જાણો આ સવાલ પર હરભજન સિંહે શું જવાબ આપ્યો.
MS Dhoni IPL 2025 માં રમશે કે નહીં, ચેન્નાઈ તેને અનકેપ્ડ પ્લેયર તરીકે જાળવી રાખશે કે પ્રથમ પસંદગી. અનકેપ્ડ ખેલાડીનો મહત્તમ પગાર રૂ. 4 કરોડ છે, જ્યારે ટીમ જે પ્રથમ ખેલાડીને જાળવી શકે છે તે રૂ. 18 કરોડ છે. ભારતીય ચાહકો આ તમામ પ્રશ્નોના જવાબ જાણવા માંગે છે, આ દરમિયાન ચેન્નાઈ સુપર કિંગ્સ તરફથી રમી ચૂકેલા હરભજન સિંહે પોતાના અભિપ્રાયથી નવી શક્યતાઓને જન્મ આપ્યો છે.
પોડકાસ્ટ પર ચર્ચા કરતી વખતે, હરભજન સિંહે CSK ની જાળવણી વ્યૂહરચના વિશે ચર્ચા કરી. તેણે કહ્યું, “હું નિશ્ચિતપણે કંઈ કહી શકતો નથી કે ધોની રમી રહ્યો છે કે નહીં. જો તે રમે છે, તો તે જાળવી રાખવા માટે ટીમની પ્રથમ પસંદગી હશે. ભલે તેને અનકેપ્ડ ખેલાડી તરીકે જોવામાં આવે.”
ધોની સિવાય CSK કોને જાળવી રાખશે?
હરભજન સિંહે વધુમાં કહ્યું કે એમએસ ધોની બાદ CSKનું નિશાન રવિન્દ્ર જાડેજા અને રચિન રવિન્દ્ર હોઈ શકે છે. જાડેજાને CSK તરફથી રમવાનો 10 વર્ષનો અનુભવ છે. બીજી તરફ, ન્યુઝીલેન્ડના ઓલરાઉન્ડર રચિને ગત સિઝનમાં જ આઈપીએલની શરૂઆત કરી હતી, જ્યાં તેણે CSK માટે 10 મેચમાં 222 રન બનાવ્યા હતા.
ભૂતપૂર્વ ભારતીય સ્પિન બોલરે એમ પણ કહ્યું કે ચેન્નાઈ રૂતુરાજ ગાયકવાડને 18 કરોડ રૂપિયામાં રિટેન કરી શકે છે. આઈપીએલ 2024માં ગાયકવાડની કપ્તાની હેઠળ ચેન્નાઈએ સારું પ્રદર્શન કર્યું હતું અને ટીમ પ્લેઓફ તરફ આગળ વધી રહી હતી, પરંતુ લીગ તબક્કાની છેલ્લી મેચમાં હારને કારણે પ્લેઓફમાંથી બહાર થઈ ગઈ હતી. પાંચમો ખેલાડી શ્રીલંકાના ફાસ્ટ બોલર મથિશા પથિરાના હોઈ શકે છે, જેણે છેલ્લી બે સિઝનમાં CSK માટે શાનદાર પ્રદર્શન કરીને IPL વિશ્વમાં સનસનાટી મચાવી હતી.
હરભજન સિંહ અનુસાર CSK ની સંભવિત રીટેન્શન લિસ્ટઃ એમએસ ધોની, રવિન્દ્ર જાડેજા, રુતુરાજ ગાયકવાડ, રચિન રવિન્દ્ર, મતિષા પથિરાના.
