છેલ્લા બે દિવસથી ભારતમાં કોરોનાના કેસોમાં સતત ઘટાડો જોવા મળી રહ્યો છે જે એક સારી વાત ગણી શકાય. છેલ્લા 24 કલાકમાં દેશભરમાં કોરોનાના કુલ 2,38,018 નવા કેસ નોંધાયા છે જે સોમવારે નોંધાયેલા કેસો કરતા લગભગ 20071 ઓછા છે છેલ્લા 24 કલાક દરમિયાન દેશભરમાં કોરોનાના કારણે 310 દર્દીઓના મોત થયા છે અને આ દરમિયાન 1,57,421 લોકો સાજા પણ થયા છે સ્વાસ્થ્ય મંત્રાલય દ્વારા બહાર પાડવામાં આવેલી હાલની માહિતી અનુસાર દેશમાં હવે લગભગ 1736628 એક્ટિવ કેસ છે અને દૈનિક હકારાત્મકતા દર પણ ઘટીને 14.43 ટકા પર આવી ગયો છે.આપણે દેશમાં સામે આવેલા ઓમિક્રોન વેરિઅન્ટના કેસ છેલ્લા 24 કલાક દરમિયાન દેશભરમાં કુલ 8,891 કેસ નોંધાયા છે જે ગઈકાલની સરખામણીમાં આજે ઓમિક્રોનના કેસોમાં 8.31 ટકાનો વધારો જોવા મળ્યો છે.
દેશના લગભગ તમામ રાજ્યોમાંથી ઓમિક્રોનના કેસ સામે આવી રહ્યા છે કોરોનાને કારણે ઘણા રાજ્યોએ કડક પગલાં પણ લીધા છે .કોરોનાના વધતા જતા કેસોને જોતા દેશમાં રસીકરણ ઝડપી કરવામાં આવ્યું છે. ભારત પહેલેથી જ 150 કરોડ રસીના ડોઝનો આંકડો પાર કરી ચૂક્યું છે. આરોગ્ય મંત્રાલયની માહિતી પ્રમાણે અત્યાર સુધીમાં દેશભરમાં એન્ટી કોરોનાવાયરસ રસીના 158.04 કરોડ ડોઝ આપવામાં આવ્યા છે છેલ્લા 24 કલાકમાં લગભગ 8 મિલિયન રસીના ડોઝ આપવામાં આવ્યા છે.દેશમાં એન્ટી કોરોના રસીના બૂસ્ટર ડોઝ આપવાનું પણ શરૂ થઈ ગયું છે. આ ઉપરાંત 15 થી 18 વર્ષની વયજૂથને પણ ઝડપી ગતિએ રસી આપવામાં આવી રહી છે.12 થી 14 વર્ષની વય જૂથ માટે રસીકરણ અંગે કોઈ નિર્ણય લેવામાં આવ્યો નથી.
